ເມື່ອວັນທີ 5 ພຶດສະພາຜ່ານມາ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ໄດ້ຈັດພິທີຈັບສະຫຼາກມອບໂຊກຄືນກຳໄລໃຫ້ລູກຄ້າເນື່ອງໃນໂອກາດສະເຫຼີມສະຫຼອງຄົບຮອບ 4 ປີ ໃນນັ້ນ ລວມມີ 22 ລາງວັນ ມູນຄ່າຫຼາຍກວ່າ 140 ລ້ານກີບ.

ໂດຍການເຂົ້າຮ່ວມຂອງຮອງອຳນວຍການສູນການຄ້າວຽງຈັນເຊັນເຕີ ເຈົ້າຂອງແບຣນທີ່ເຂົ້າຮ່ວມກິດຈະກຳ ມີບັນດາແຂກຖືກ ເຊີນ ແລະມວນຊົນເຂົ້າຮ່ວມຢ່າງຫຼວງຫຼາຍ ສຳລັບລູກຄ້າທີ່ຊື້ສິນຄ້າກັບຮ້ານທີ່ເຂົ້າຮ່ວມກິດຈະກຳຄົບ 400.000 ກີບຂຶ້ນໄປກໍຈະມີສິດລຸ້ນຮັບລາງວັນ ຊຶ່ງໄດ້ເລີ່ມເປີດຮັບບັດລຸ້ນໂຊກມາແຕ່ວັນທີ 15 ມີນາເຖິງວັນທີ 30 ເມສາ 2019.

ສຳລັບລາຍຊື່ຜູ້ໂຊກດີ ແລະຂອງລາງວັນຕ່າງໆ ທ່ານສາມາດເຂົ້າໄປຕິດຕາມໄດ້ທີ່ Facebook/ສູນການຄ້າວຽງຈັນເຊັນເຕີ ຫຼື ໂທສອບຖາມລາຍລະອຽດໄດ້ທີ່ໝາຍເລກໂທສະລັບ (021) 228 000.

ໂດຍ: ສະຫະລັດ ວອນທິວົງໄຊ