spot_img
Homeຂ່າວພາຍ​ໃນແບຣນເສື້ອຜ້າຊື່ດັງໃນອີຕາລີ ກ໋ອບປີ້ເອກະລັກຂອງຊົນເຜົ່າໂອມາໃນລາວ

ແບຣນເສື້ອຜ້າຊື່ດັງໃນອີຕາລີ ກ໋ອບປີ້ເອກະລັກຂອງຊົນເຜົ່າໂອມາໃນລາວ

Published on

ເປັນອີກໜຶ່ງເລື່ອງລາວທີ່ສັງຄົມອອນລາຍກຳລັງໃຫ້ຄວາມສົນໃຈ ເມື່ອມີການເຜີຍແຜ່ພາບຜ່ານທາງສື່ອອນລາຍກ່ຽວກັບການນຳເອົາເອກະລັກການແຕ່ງກາຍຂອງຊົນເຜົ່າໂອມາຢູ່ໃນ ສປປ ລາວ ໄປນຳສະເໜີຜ່ານຄໍເລັກເຊິນຂອງຫ້ອງເສື້ອຊື່ດັງໃນອີຕາລີ.

ເມື່ອວັນທີ 2 ພຶດສະພາ 2019 ຜ່ານມາ ໄດ້ມີຜູ້ໃຊ້ເຟສບຸ໊ກຄົນໜຶ່ງໄດ້ສັງເກດເຫັນຄໍເລັກເຊິນຈາກຫ້ອງເສື້ອຊື່ດັງນັ້ນກໍຄື Max Mara ຢູ່ໃນນະຄອນຊາເກຣບ ປະເທດໂຄຣເອເຊຍ  ໂດຍຮູບພາບດັ່ງກ່າວໄດ້ສ່ອງແສງໃຫ້ເຫັນວ່າ ບໍລິສັດ MaxMara ໄດ້ຜະລິດຄໍເລັກເຊິນເສື້ອຜ້າທີ່ນຳເອົາລາຍແສ່ວຂອງຊົນເຜົ່າໂອມາໃນລາວເປັນຕົ້ນແບບ ບໍ່ວ່າຈະເປັນສີ ລວດລາຍ ແລະ ເອກະລັກສະເພາະຕ່າງໆຂອງຊົນເຜົ່າໂອມາ  ຊຶ່ງໂດຍທົ່ວໄປທາງບໍລິສັດແມ່ນຕ້ອງໄດ້ຂໍອະນຸຍາດ ຫຼື ກ່າວຍົກຍ້ອງ ແລະ ໃຫ້ຮູ້ເຖິງແຫຼ່ງທີ່ໄປທີ່ມາຂອງລວດລາຍໃນການອອກແບບຄໍເລັກເຊິນດັ່ງກ່າວ ກົງກັນຂ້າມທາງບໍລິສັດທີ່ຜະລິດກໍຄື MaxMara ຊ້ຳຜັດບໍ່ໄດ້ໃຫ້ເຄຣດິດ ຫຼື ກ່າວເຖິງແຫຼ່ງທີ່ມາຂອງແຮງບັນດານໃຈໃນການນຳສະເໜີຄໍເລັກເຊິນດັ່ງກ່າວວ່າມາຈາກຊົນເຜົ່າໂອມາໃນ ສປປ ລາວ ເລີຍ.

ສິ່ງສຳຄັນອີກປະການໜຶ່ງກໍຄື ລາຍແສ່ວຕົ້ນສະບັບຂອງຊົນເຜົ່າໂອມາແມ່ນໄດ້ຖືກບໍລິສັດດັ່ງກ່າວນຳໄປສະກຣີນໃສ່ເສື້ອຜ້າຄໍເລັກເຊິນຂອງເຂົາເຈົ້າໂດຍບໍ່ຖືກຕ້ອງ ທັງນີ້ ພາກສ່ວນກ່ຽວຂ້ອງທີ່ເຮັດວຽກໃກ້ຊິດກັບຊົນເຜົ່າໂອມາໃນລາວແມ່ນພວມຕິດຕໍ່ສອບຖາມກ່ຽວກັບລາຍລະອຽດເລື່ອງນີ້.

 

ຂ່າວ: ສະຫະລັດ ວອນທິວົງໄຊ

ຮູບພາບຈາກ: ອະດີດເພື່ອນຮ່ວມງານ, TACElaos

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...