spot_img
Homeຂ່າວພາຍ​ໃນແຈ້ງການສັ່ງຫ້າມບໍ່ໃຫ້ໂຄສະນາເຄື່ອງດື່ມທາດເຫຼົ້າທຸກປະເພດ

ແຈ້ງການສັ່ງຫ້າມບໍ່ໃຫ້ໂຄສະນາເຄື່ອງດື່ມທາດເຫຼົ້າທຸກປະເພດ

Published on

ອີງຕາມກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫຼົ້າ ສະບັບເລກທີ 54/ສພຊ ລົງວັນທີ 19 ທັນວາ 2014. ອີງຕາມດຳລັດນາຍົກລັດຖະມົນຕີວ່າດ້ວຍການຈັດຕັ້ງ ແລະ ເຄື່ອນໄຫວຂອງກະຊວງວຖະແຫຼງຂ່າວ ວັດທະນະທຳ ແລະ ທ່ອງທ່ຽວ ສະບັບເລກທີ 95/ນຍ ລົງວັນທີ 09 ມີນາ 2017 ແລະ ອີງຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 175/ຫສນຍ.ກຄສ ລົງວັນທີ 1 ກຸມພາ 2018.

ໂດຍເນື້ອໃນຂອງແຈ້ງການສະບັບດ່ັ່ງກ່າວແມ່ນໄດ້ສັ່ງຫ້າມບໍ່ໃຫ້ມີການນຳສະເໜີສື່ໂຄສະນາສິນຄ້າເຄື່ອງດື່ມທີ່ມີທາດເຫຼົ້າທຸກປະ ເພດ ທັງນີ້ ກໍເພື່ອຄວາມເປັນເອກະພາບ ແລະສະເໝີພາບໃນການປະຕິບັດກົດໝາຍວ່າດ້ວຍການຄວບຄຸມເຄື່ອງດື່ມທີ່ມີທາດເຫຼົ້າ ແລະ ລະບຽບການຕ່າງໆທີ່ວາງອອກ.

ພ້ອມນີ້ ໃນເນື້ອໃນຂອງແຈ້ງການຍັງລະບຸອີກວ່າ ໃຫ້ບັນດາບໍລິສັດ ລັດວິສາຫະກິດ ບໍລິສັດເອກະຊົນ ຜູ້ປະກອບການຜະລິດ ນຳເຂົ້າ-ສົ່ງອອກ ຈຳໜ່າຍ ແລະ ບໍລິສັດປະກອບການໂຄສະນາ ອອກແບບຜະລິດຕະພັນ ຕິດຕັ້ງປ້າຍ ໃຫ້ຢຸດຕິການໂຄສະນາເຄື່ອງ ດື່ມທີ່ມີທາດເຫຼົ້າທຸກປະເພດ ເປັນຕົ້ນແມ່ນການຜະລິດປ້າຍ ຕິດຕັ້ງປ້າຍໂຄສະນາຢູ່ຕາມເສັ້ນທາງ ແລະສະຖານທີ່ຕ່າງໆ ການໂຄ ສະນາທາງສື່ທຸກປະເພດ ແລະ ກິດຈະກຳສົ່ງເສີມການຂາຍ (ສາວເຊຍເບຍ) ແລະ ອື່ນໆທີ່ຖືເປັນການຊັກຊວນໃຫ້ມີການດື່ມ ທັງນີ້ ໃຫ້ຂະແໜງຖະແຫຼງຂ່າວ ວັດທະນະທຳ ແລະ ທ່ອງທ່ຽວທົ່ວປະເທດຈົ່ງເປັນເຈົ້າການຕິດຕາມຈັດຕັ້ງປະຕິບັດ ແລະ ແກ້ໄຂບັນຫາກ່ຽວກັບການໂຄສະນາ ແລະ ການໂຄສະນາເຄື່ອງດື່ມທີ່ມີທາດເຫຼົ້າປະເພດຕ່າງໆໃຫ້ເປັນເອກະພາບ.

ຢ່າງໃດກໍດີ ສຳລັບແຈ້ງການທີ່ໄດ້ປະກາດອອກມາສະບັບນີ້ ກໍຍັງບໍ່ໄດ້ກຳນົດວ່າຕ້ອງປະຕິບັດ ຫຼື ນຳໃຊ້ວັນເດືອນປີໃດ ແຕ່ຖ້າຫາກມີການນຳໃຊ້ຢ່າງເປັນທາງການແລ້ວກໍອາດຈະສົ່ງຜົນກະທົບໃນຫຼາຍດ້ານ ໂດຍສະເພາະກໍແມ່ນສື່ສິ່ງພິມທີ່ໄດ້ຮັບການສະໜັບສະ ໜູນຫຼັກຈາກບໍລິສັດເຄື່ອງດື່ມບາງປະເພດຊຶ່ງຖືເປັນແຫຼ່ງລາຍຮັບຫຼັກ ລວມເຖິງກິດຈະກຳຕ່າງໆທາງສັງຄົມທີ່ໄດ້ຮັບການສະໜັບ ສະໜູນຈາກບັນດາບໍລິສັດເຄື່ອງດື່ມຕ່າງໆ ດັ່ງນັ້ນ ກໍລໍຖ້າຕິດຕາມໄປພ້ອມໆກັນວ່າແຈ້ງການສະບັບນີ້ຈະອອກມາປະກາດນຳໃຊ້ຢ່າງເປັນທາງການມື້ໃດ ແລະ ຈະສົ່ງຜົນກະທົບຕໍ່ພາກສ່ວນໃດ?.

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: ຈາກ Facebook

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...