ເມື່ອວັນທີ 1 ພຶດສະພາຜ່ານມາ (ເວລາ 3:17 ນາທີ) ໄດ້ເກີດອຸບັດເຫດລົດກະບະເສຍຫຼັກຕຳກຳແພງຢ່າງຮຸນແຮງຢູ່ເຂດບ້ານທ່າພະລານໄຊ ເມືອງສີສັດຕະນາກ ນະຄອນຫຼວງວຽງຈັນ ເຫດການດັ່ງກ່າວມີຜູ້ເສຍຊີວິດ 1 ລາຍ.
ສຳລັບຜູ້ທີ່ປະສົບອຸບັດເຫດຊື່ວ່າ ທ້າວ ຈູລຽນ ລອບຣີ້ ( Mr. Julien LOBRY) ອາຍຸ 28 ປີ ສັນຊາດຝຣັ່ງ ພັກຢູ່ດອນຂາຊາຍ ເມືອງຫາດຊາຍຟອງ ນະຄອນຫຼວງວຽງຈັນ ໂດຍຜູ້ກ່ຽວໄດ້ຂັບຂີ່ລົດກະບະຍີ່ຫໍ້ມິດຊູບິຊິ ເບື້ອງຕົ້ນເຈົ້າໜ້າທີ່ໜ່ວຍກູ້ໄພ 1623 ໄດ້ລາຍງານວ່າ: ຜູ້ເຄາະຮ້າຍແມ່ນຄໍຫັກ ແຂນເບື້ອງຊ້າຍຫັກ ຫົວຖືກກະທົບຢ່າງຮຸນແຮງ ແລະມີບາດແຜທົ່ວໃບໜ້າ ແລະຮ່າງ ກາຍ.
ປັດຈຸບັນ ໜ່ວຍກູ້ໄພ 1623 ໄດ້ນຳສົບຂອງຜູ້ເຄາະຮ້າຍໄປໄວ້ທີ່ໂຮງເຢັນມູນນີທີຈີນ ສ່ວນສາເຫດຂອງອຸບັດເຫດຄັ້ງນີ້ແມ່ນພວມ ຢູ່ລະຫວ່າງການສືບສວນ-ສອບສວນຂອງເຈົ້າໜ້າທີ່.
ຂ່າວໂດຍ: ສະຫະລັດ ວອນທິວົງໄຊ
ຮູບພາບ: ຈາກມູນນິທິກູ້ໄພ 1623