ກະຊວງການເງິນໄດ້ອອກແຈ້ງການ ສະບັບເລກທີ 0975/ກງ, ລົງວັນທີ 01 ເມສາ 2019 ວ່າດ້ວຍການເລື່ອນໄລຍະເວລາປປົກກະຕິຂອງການຊຳລະຄ່າທຳນຽມທາງ ປະຈຳປີ 2019.

ເພື່ອເຮັດໃຫ້ການເກັບຄ່າທຳນຽມທາງປະຈຳປິ2019ໄດ້ຖືກຈັດຕັ້ງປະຕິບັດທັນຕາມກຳນົດເວລາ ແລະ ມີຄວາມເປັນເອກະພາບໃນຂອບເຂດທົ່ວປະເທດ, ກະຊວງການເງິນ ຂໍຖືເປັນກຽດແຈ້ງມາຍັງບຸກຄົນ, ນິຕິບຸກຄົນ ແລະ ການຈັດຕັ້ງທີ່ເປັນເຈົ້າຂອງ ຫຼື ນຳໃຊ້ຍານພາຫະນະໃນຂອບເຂດທົ່ວປະເທດຊາບວ່າ ໄລຍະເວລາປົກກະຕິຂອງການເສຍຄ່າທາງ 2019 ໄດ້ເລື່ອນຈາກມື້ສຸດທ້າຍ ວັນທີ 31 ມີນາ 2019 ເປັນວັນທີ 30 ມິຖຸນາ 2019, ຖ້າກາຍກຳນົດເວລາດັ່ງກ່າວນີ້ (ນັບແຕ່ວັນທີ 01 ກໍລະກົດ ຮອດ 31 ທັນວາ 2019) ມ່ນຈະຖືກປັບໄໝ 0,1% ຕໍ່ມື້ຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີ ຕາມແຕ່ລະກໍລະນີທີ່ໄດ້ກຳນົດໄວ້ໃນ IV ຂໍ້ 2 ຂອງຄຳແນະນຳ, ສະບັບເລກທີ 3455/ກງ,​ ລົງວັນທີ 10 ຕຸລາ 2017.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກະຊວງການເງິນ