ເຈົ້າໜ້າທີ່ຕຳຫລວດຈະລາຈອນນະຄອນຫລວງວຽງຈັນ ໃຫ້ຮູ້ວ່າ: ໃນເວລາ 15:00 ໂມງ ຂອງວັນທີ 1 ຕຸລານີ້, ໄດ້ເກີດ

ອຸປະຕິເຫດລົດບັນທຸກໝາຍເລກ ທະບຽນ ບຂ 0708 ກຳແພງນະຄອນ, ແລ່ນມາດ້ວຍຄວາມໄວ ແຕ່ເສັ້ນທາງນາຊາຍ

ທອງມຸ້ງໜ້າເຂົ້າມາຕົວເມືອງ, ຊຶ່ງຂັບໂດຍທ້າວ ນຸ ອາຍຸ 20 ປີພັກເຊົາຢູ່ບ້ານໜອງແຕ່ງ ເມືອງສີໂຄດຕະບອງ ນະຄອນ

ຫລວງວຽງຈັນ ຕຳລົດຈັກຄັນໜຶ່ງໝາຍເລກທະບຽນ ດກ 5481 ກຳແພງນະຄອນ ທີ່ແລ່ນມາດ້ວຍຄວາມໄວ ເຊັ່ນກັນ

ຢ່າງຮຸນແຮງເຮັດໃຫ້ຄົນຂັບລົດຈັກຊື່ທ້າວ ສີນນະຄອນ ອາຍຸ 21 ປີຢູ່ບ້ານປາກແຮດ, ເມືອງນາຊາຍທອງເສຍຊີວິດຄາທີ່.

ເຈົ້າໜ້າທີ່ ໃຫ້ຮູ້ວ່າ: ໃນເດືອນກັນຍາຜ່ານມານີ້, ຢູ່ນະຄອນຫລວງວຽງຈັນມີອຸປະ ຕິເຫດບົນທ້ອງຖະໜົນເກີດຂຶ້ນ 127

ກໍລະ ນີ, ສົ່ງຜົນໃຫ້ມີຜູ້ເສຍຊີວິດ 11 ຄົນ, ມີຜູ້ໄດ້ຮັບບາດເຈັບສາຫັດ 19 ຄົນ, ພາຫະນະເປ່ເພສົມຄວນ 146 ຄັນ ແລະ

ໃຊ້ການບໍ່ໄດ້ 2 ຄັນ, ຕົກເປັນມູນຄ່າເສຍຫາຍ ທັງໝົດຫລາຍກວ່າ 1,4 ຕື້ກີບ, ສາເຫດຕົ້ນຕໍທີ່ພາໃຫ້ເກີດອຸປະຕິເຫດ

ດັ່ງກ່າວຍັງແມ່ນການດື່ມສິ່ງມຶນເມົາແລ້ວຂັບຂີ່ລົດ, ຂັບຂີ່ລົດໄວ ແລະ ລ່ວງລະເມີດລະບຽບຈະລາຈອນກໍຍັງມີຫລາຍ,

ຈຳນວນອຸປະຕິເຫດເກີດຂຶ້ນຫລາຍແມ່ນກຸ່ມໄວໜຸ່ມນັກຮຽນ, ນັກສຶກສາ ແລະ ກຳມະກອນໂຮງຈັກໂຮງງານຕ່າງໆ,

ຊຶ່ງຍັງຂາດຄວາມຮູ້ດ້ານລະບຽບຈະລາຈອນ.

ແຫລ່ງຂ່າວ: ລາວພັດທະນາ