ໃນວັນທີ 22 ມີນາ 2019 ທີ່ໂຮງແຮມຄາວພລາຊາ ນະຄອນຫລວງວຽງຈັນ ບໍລິສັດ BOSCH ໄດ້ຈັດງານສຳມະນາພາຍໃຕ້ຫົວຂໍ້ “Like A Bosch” ຕອບໂຈດໃຫ້ບັນດາບໍລິສັດ ແລະ ຜູ້ປະກອບການທາງດ້ານເຄຫະສະຖານຕ່າງໆ ພ້ອມທັງວາງສະແດງສິນຄ້າຫລາກຫລາຍລາຍການ.
ທ່ານ ຍິດມິງຈັນ ( yit ming chan) ປະທານບໍລິສັດ BOSCH ໄດ້ກ່າວວ່າ:ບໍລິສັດ BOSCH ໄດ້ເຂົ້າມາໃນຕະຫຼາດ ສປປ ລາວແຕ່ປີ 2012 ໃນນາມຫ້ອງການຜູ້ຕາງໜ້າຈົນມາເຖິງເດືອນ ມິນາ 2018 BOSCH ໄດ້ເປີດບໍລິສັດຂຶ້ນຢ່າງເປັນທາງການ ຢູ່ ສປປ ລາວ ເຊິ່ງໃຫ້ບໍລິການຜະລິດຕະພັນຕ່າງໆໃຫ້ແກ່ອຸດສາຫະກໍາລວມທັງເຄື່ອງລົດຍົນ, ຕຶກອາຄານແລະການກໍ່ສ້າງ, ໄຟຟ້ານ້ໍາຕົກ, ບໍແຮ່ ແລະ ໂຮງງານ ນອກຈາກນັ້ນຍັງໃຫ້ບໍລິການອາໄຫຼ່ລົດຍົນສໍາລັບຍານພາຫະນະລົດເບົ່າ ແລະ ລົດໜັກ ພ້ອມທັງການບໍລິການແລະອຸປະກອນສໍາລັບງານສ້ອມແປງ.
ໃນນີ້ ສປປ ລາວເປັນຕະຫຼາດທີ່ມີສັກຍະພາບສູງໃນພາກພື້ນອາຊີຕາເວັນອອກສຽງໃຕ້ ແລະ ເປັນປະເທດໄດ້ພັດທະນາຢ່າງຕໍ່ເນື້ອງໂດຍສະເພາະແມ່ນຂະແໜງພະລັງງານໄຟຟ້າ ແລະ ຂຸດຄົ້ນບໍ່ແຮ່. ພວກເຮົາເຊື່ອໝັ້ນວ່າບໍລິສັດຈະສືບຕໍ່ຂະຫຍາຍຕົວຄຽງຄູ່ກັບການພັດທະນາປະເທດຊາດ. ການສໍາມະນາຄັ້ງນີ້ ນັກສໍາມະກອນມາຈາກຫລາຍພາກສ່ວນຄື: ມະຫາວິທະຍາໄລແຫ່ງຊາດລາວ(ມຊ), ສູນພັດທະນາສີມືແຮງງານນະຄອນຫລວງວຽງຈັນ ແລະ ຜູ້ປະກອບການຈາກບໍລິສັດຕ່າງໆທົ່ວນະຄອນຫລວງວຽງຈັນ ເຊິ່ງໃນງານສໍາມະນາຄັ້ງນີ້ຜູ້ເຂົ້າຮ່ວມໄດ້ຮັບຟັງການບັນຍາຍຈາກວິທະຍາກອນຈາກບໍລິສັດBOSCH ພ້ອມທັງຊົມການວາງສະແດງຜະລິດຕະພັນຈາກບໍລິສັດ BOSCH ລາວ .
ໃນງານດັ່ງກ່າວ ບໍລິສັດ BOSCH ລາວ ຍັງໄດ້ມອບອຸປະກອນເຄື່ອງໄຟຟ້າມືອາຊີບໃຫ້ ຄະນະວິສະວະກຳສາດ ຈາກ ມຊ ແລະ ສູນພັດທະນາສີມືແຮງງານນະຄອນຫລວງວຽງຈັນ ເພື່ອໃຫ້ເປັນສືການຮຽນ-ການສອນ.