ເກີດເຫດແຜ່ນດິນໄຫວ 5.7 ຣິກເຕີ້ ໃກ້ກັບເມືອງປາຣາຕຸນກາ ທາງຕອນໃຕ້ຂອງຄາບສະໝຸດຄຳຊັດກາຂອງຣັດເຊຍ
ເບື້ອງຕົ້ນຍັງບໍ່ມີລາຍງານຄວາມເສຍຫາຍໃດໆ.
ສຳນັກຂ່າວຕ່າງປະເທດລາຍງານ ໃນວັນທີ 3 ຕຸລານີ້ວ່າ ສຳນັກງານສຳຫລວດວິທະຍາແຫ່ງຊາດສະຫະລັດ (USGS) ໄດ້
ລາຍງານໃນມື້ນີ້ (3 ຕຸລາ) ວ່າ ເກີດເຫດແຜ່ນດິນໄຫວຢູ່ຈຸດດັ່ງກ່າວ ສາມາດວັດແທກໄດ້ 5.7 ຣິກເຕີ້ ຢູ່ເລິກລົງໄປໃນ
ດິນປະມານ 149.5 ກິໂລແມັດ ແລະ ຢູ່ຫ່າງຈາກເມືອງປາຣາຕຸນກາ ຂອງຣັດເຊຍ ປະມານ 65 ກິໂລແມັດ ແລະ ຢູ່ຫ່າງ
ຈາກນະຄອນຫລວງໂຕກຽວຂອງຍີ່ປຸ່ນ ປະມານ 2,349 ກິໂລແມັດ.
ຈົນເຖິງຂະນະນີ້ ຍັງບໍ່ທັນມີລາຍງານຄວາມເສຍຫາຍທີ່ເກີດຂຶ້ນຈາກເຫດແຜ່ນດິນໄຫວດັ່ງກ່າວ ຈາກເຈົ້າໜ້າທີ່ຂອງ
ຣັດເຊຍເທື່ອ.