ເກີດເຫດສະຫລາມຈູ່ໂຈມທຳຮ້າຍນັກໂຕ້ຄື້ນອາການສາຫັດ ບໍລິເວນນອກຊາຍຝັ່ງຂອງອົດສະຕາລີ ດ້ານແຟນ
ສາວຊ໊ອກຖືກຫາມສົ່ງໂຮງໝໍທັງສອງ.
ສຳນັກຂ່າວຕ່າງປະເທດລາຍງານ ໃນວັນທີ 3 ຕຸລານີ້ວ່າ ນັກຫລິ້ນກະດານໂຕ້ຄື້ນເຄາະຮ້າຍລາຍດັ່ງກ່າວຊື່ວ່າ ຍອນ
ພອນລາດ ອາຍຸ 23 ປີ ໄດ້ຮັບບາດເຈັບສາຫັດ ໂດຍເຂົາຖືກສະຫລາມກັດຈົນແຂນຂ້າງໜຶ່ງຂາດຕ່ອງແຕັ່ງແຕ່ບໍລິ
ເວນຂໍ້ສອກລົງໄປ ສ່ວນຂໍ້ມືອີກເບື້ອງໜຶ່ງກໍຖືກກັດຂາດ, ນອກຈາກນັ້ນ ຂາຂ້າງໜຶ່ງຂອງເຂົາຍັງຢູ່ໃນສະພາບທີ່
ເກືອບຈະຂາດອອກເຊັ່ນກັນ. ໃນຕອນທີ່ເຂົາໄດ້ຮັບການຊ່ວຍເຫລືອຂຶ້ນມາຈາກນ້ຳ ແລະ ນຳສົ່ງໂຮງໝໍນັ້ນ ແຟນ
ສາວຂອງເຂົາກໍໄດ້ຖືກຫາມສົ່ງໂຮງໝໍເຊັ່ນດຽວກັນ ຈາກອາການຊ໊ອກທີ່ເຫັນເຫດການດັ່ງກ່າວ.
ເຈົ້າໜ້າທີ່ຕຳຫລວດອົດສະຕາລີລະບຸວ່າ ຜູ້ເຄາະຮ້າຍລາຍນີ້ຖືກສະຫລາມທີ່ຄາດວ່າເປັນສະຫລາມຂາວຍັກ ເຂົ້າຈູ່
ໂຈມບໍລິເວນອ່າວໄວລີ ເຊິ່ງຢູ່ທາງຕອນໃຕ້ຂອງລັດ ອົດສະຕາລີຕາເວັນຕົກ ທີ່ມີລາຍງານພົບການເຄື່ອນໄຫວຂອງ
ສະຫລາມຂາວຍັກເພີ່ມຂຶ້ນ ຕະຫລອດຫລາຍອາທິດທີ່ຜ່ານມາ.
