ອຳນາດການປົກຄອງນະຄອນຫຼວງວຽງຈັນ ກໍຄືເມືອງສັງທອງ ກຽມທີ່ຈະສ້າງອະນຸສອນສະຖານ ທ່ານ ສີທອງ
ວີລະຊົນແຫ່ງຊາດ ທັງນີ້ ກໍເພື່ອສ້າງໃຫ້ເປັນອີກສະຖານທີ່ທ່ອງທ່ຽວທາງປະຫວັດສາດ ເປັນບ່ອນຮຽນຮູ້ຂອງ
ຮຸ່ນສືບທອດກ່ຽວກັບຄຸນງາມຄວາມດີຂອງທ່ານ ສີທອງ ຊຶ່ງຂະນະນີ້ຢູ່ຂັ້ນຕອນການຂໍອະນຸຍາດຈາກລັດຖະ
ບານ ໂດຍຄາດວ່າໂຄງການນີ້ ຖ້າໄປຕາມແຜນບໍລິສັດຜູ້ຮັບເຫມົາ ຈະສ້າງໃຫ້ສຳເລັດພາຍໃນ 2 ປີ.
ເນື່ອງໃນໂອກາດເຂົ້າຮ່ວມພິທີມອບຮັບຫ້ອງການປົກຄອງບ້ານໆນາຫອຍປັງຫຼັງໃໝ່ ເມືອງສັງທອງ ຊຶ່ງເປັນ
ໂຄງການຊ່ວຍເຫຼືອລ້າມູນຄ່າ 450 ລ້ານກີບ ຂອງບໍລິສັດ ດວງພະສຸກກໍ່ສ້າງ ສ້ອມແປງເຄຫາສະຖານຂົວທາງ
ຊົນລະປະທານ ຈຳກັດຜູ້ດຽວ ເມື່ອວັນທີ 30 ກັນຍາ 2014 ທ່ານ ສົມວັນດີ ນາຖາວົງ ຮອງເຈົ້າຄອງນະຄອນຫຼວງ
ວຽງຈັນ, ທ່ານ ນາງ ແກ້ວ ພົມມະລາດ ຮອງເຈົ້າເມືອງໆສັງທອງ ແລະ ຄະນະໄດ້ຢ້ຽມຊົມໂຄງການອອກແບບ
ກໍ່ສ້າງອະນຸສອນສະຖານທ່ານ ສີທອງ ວີລະຊົນແຫ່ງຊາດ ຊຶ່ງມີທ່ານ ຄຳຫຼ້າ ດວງພະສຸກ ຜູ້ອຳນວຍການບໍລິສັດ
ດວງພະສຸກນຳພາຄະນະ.
ທ່ານ ຄຳຫຼ້າ ດວງພະສຸກ ໃຫ້ສຳພາດຕໍ່ສື່ມວນຊົນວ່າ: ໂຄງການນີ້ແມ່ນບໍລິສັດຂອງພວກເຮົາຈະເປັນຜູ້ຮັບ
ເໝົາກໍ່ສ້າງ ຊຶ່ງປະຈຸບັນແມ່ນໄດ້ດຳເນີນການຂັ້ນຕົ້ນດ້ວຍການບຸກເບີກທາງ ເຂົ້າປັບໜ້າດິນໄດ້ປະມານ 50-
60% ລໍຖ້າການອະນຸມັດຈາກລັດຖະບານຢູ່ ຖ້າຫາກໂຄງການນີ້ຫາກໄດ້ຮັບອະນຸຍາດໃນປີຫນ້າແມ່ນຈະໄດ້ສືບ
ຕໍ່ ຄາດວ່າຈະໃຊ້ໄລຍະເວລາໃນການກໍ່ສ້າງປະມານ 2 ປີ ໃຫ້ສຳເລັດ.
ທີ່ຈະປະກອບທັງໝົດ 15 ໜ້າວຽກເປັນຕົ້ນແມ່ນ: ຮູບປັ້ນ ທ່ານ ສີທອງ ຫໍມູນເຊື້ອທາງໄຟຟ້າ, ນ້ຳປະປາ, ຮົ້ວ
ໜາມໝາກຈັບ, ເຮືອນນອນ, ຫ້ອງການຕະຫຼາດຊົນເຜົ່າ, ສວນດອກໄມ້ ແລະ ອື່ນໆ ໃນເນື້ອທີ່ເກືອບ 5 ເຮັກ
ຕາ ລວມມູນຄ່າທັງໝົດ 40 ກວ່າຕື້ກີບ.
ໂດຍທ່ານ ຄຳຫຼ້າ ດວງພະສຸກ ຄາດວ່າ ຫາກໂຄງການສ້າງສຳເລັດຈະມີຄຸນປະໂຫຍດຢ່າງໃຫຍ່ຫຼວງໃຫ້ແກ່ປະຊາ
ຊົນ ທີ່ຈະເປັນອະນຸສອນສະຖານກາຍເປັນບ່ອນທ່ອງທ່ຽວທາງປະຫວັດສາດ ເປັນບ່ອນຮຽນຮູ້ໃຫ້ນັກຮຽນຮຸ່ນ
ສືບທອດເຫັນໄດ້ຄວາມໝາຍ ຄວາມສຳຄັນຂອງ ທ່ານ ສີທອງ ກ່ຽວກັບນ້ຳໃຈອົງອາດກ້າຫານບໍ່ຍອມຈຳຍົນ
ຕໍ່ສັດຕູຍອມເສຍສະລະ ເລືອດເນື້ອຂອງຕົນ ເພື່ອປະຊາຊົນກໍຄືເພື່ອປະເທດຊາດ.
ແຫລ່ງຂ່າວ: ເສດຖະກິດ – ສັງຄົມ