ສຳນັກຂ່າວຕ່າງປະເທດລາຍງານວ່າ ສຳນັກງານສຳຫລວດທໍລະນີວິທະຍາແຫ່ງຊາດສະຫະລັດ (USGS) ລາຍງານ
ໃນວັນອັງຄານທີ 30 ກັນຍາຜ່ານມາວ່າ ເກີດເຫດແຜ່ນດິນໄຫວຂະໜາດປານກາງ ເຊິ່ງສາມາດແທກຄວາມຮຸນ
ແຮງທີ່ລະດັບ 5.5 ຣິກເຕີ ທີ່ປະເທດຟິຈິ ດິນແດນໝູ່ເກາະໃນມະຫາສະໝຸດປາຊີຟິກ ເຊິ່ງເບື້ອງຕົ້ນຍັງບໍ່ທັນມີ
ລາຍງານຄວາມເສຍຫາຍທີ່ແນ່ນອນ.
ຂໍ້ມູນຂອງ USGS ໄດ້ລະບຸວ່າ ສູນກາງຂອງແຜ່ນດິນໄຫວຄັ້ງນີ້ ຢູ່ເລິກລົງໄປໃນມະຫາສະໝຸດປາຊີຟິກປະມານ
573.8 ກິໂລແມັດ ແລະ ຢູ່ຫ່າງຈາກເມືອງລຳບາຊາ ທີ່ເປັນບ້ານຂອງປະຊາກອນຫລາຍກ່ວາ 27,000 ຄົນ ເທິງ
ເກາະວານົວ ເລວູ ໄປທາງຕາເວັນອອກສ່ຽງໃຕ້ ປະມານ 264 ກິໂລແມັດ.
ເບື້ອງຕົ້ນຍັງບໍ່ທັນມີລາຍງານຄວາມເສຍຫາຍໃດໆຈາກເຫດແຜ່ນດິນໄຫວລະດັບ 5.5 ຣິກເຕີໃນຄັ້ງນີ້ ມີພຽງ
ການລາຍງານຂອງສື່ທ້ອງຖິ່ນວ່າ ແຮງສັ່ນສະເທືອນຂອງແຜ່ນດິນໄຫວທີ່ເກີດຂຶ້ນ ສາມາດຮັບຮູ້ໄດ້ທົ່ວໄປໃນ
ເມືອງຊູວາ ເມືອງຫລວງຂອງຟິຈິ ທີ່ຢູ່ຫ່າງຈາກສູນກາງແຜ່ນດິນໄຫວປະມານ 315 ກິໂລແມັດ.