ເດິຊັນລາຍງານ ຝຣັ່ງກຳລັງສ້າງຂີປະນາວຸດໄຮເປີໂຊນິກ ຄວາມໄວສູງສຸດ 6.400ກິໂລແມັດຕໍ່ຊົ່ວໂມງ (ຄວາມໄວເໜືອແສງ 5 ເທົ່າຂຶ້ນໄປ) ທີ່ສາມາດປະຕິບັດການໄດ້ຢ່າງສົມບູນແຂ່ງກັບລັດເຊຍ, ຈີນ ແລະ ສະຫະລັດ.
ລາຍງານຂ່າວລະບຸວ່າ ກະຊວງປ້ອງກັນປະເທດຝຣັ່ງມີເປົ້າໝາຍສ້າງຂີປະນາວຸດໄຮເປີໂຊນິກພາຍໃນ 2 ປີຕໍ່ໜ້າ ເຊິ່ງມັນໝາຍຄວາມວ່າພວກເຂົາຈະກາຍເປັນປະເທດທຳອິດໃນເອີຣົບທີ່ພັດທະນາອາວຸດທີ່ມີຄວາມໄວໄດ້ຢ່າງໜ້ອຍ 5 ເທົ່າຂອງສຽງ, ເຊິ່ງຂີປະນາວຸດຄວາມໄວສູງຂະໜາດນີ້ຈະຊ່ວຍໃຫ້ຝຣັ່ງມີຄວາມລໍ້າໜ້າເໜືອລະບົບເຊັນເຊີຕໍ່ຕ້ານຂີປະນາວຸດໃດໆ ລວມເຖິງຂີປະນາວຸດສະກັດກັ້ນທີ່ອອກແບບມາສຳລັບຕໍ່ຕ້ານຂີປະນາວຸດຮຸ້ນເກົ່າທີ່ມີຄວາມໄວຊ້າກວ່າ.
ຄວາມເຄື່ອນໄຫວດັ່ງກ່າວເຮັດໃຫ້ຕອນນີ້ ຝຣັ່ງກ້າວຂຶ້ນມາແຂ່ງຂັນກັບສະຫະລັດ, ຈີນ ແລະ ລັດເຊຍ ໃນການມີຂີປະນາວຸດໄຮເປີໂຊນິກເປັນປະເທດທຳອິດຂອງໂລກ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: mgronline