ສຳນັກຂ່າວຕ່າງປະເທດລາຍງານ ເມື່ອວັນທີ 14 ກຸມພາ 2019 ວ່າ ທ່ານ ອັບດຸນ ກາວີ ຮາເໝັດ ຢູຊູຟ ປະທານອົງຄະນະຕຸລາການສານຍຸຕິທຳລະຫວ່າງປະເທດ (ICJ) ກ່າວເມື່ອວັນພຸດທີ່ຜ່ານມາວ່າ ຄະນະຜູ້ພິພາກສາທັງ 15 ຄົນມີມະຕິເປັນເອກະພາບປະຕິບັດການຄັດຄ້ານເບື້ອງຕົ້ນຂອງສະຫະລັດກ່ຽວກັບການຮັບພິຈາລະນາຄະດີຂອງ ICJ ກ່ຽວກັບກໍລະນີພິພາກລະຫວ່າງອິຣານກັບສະຫະລັດ ໂດຍລັດຖະບານອິຣານຕ້ອງການໃຫ້ລັດຖະບານສະຫະລັດຄືນຊັບສິນລວມມູນຄ່າປະມານ 2.000 ລ້ານໂດລາ, ທີ່ສານດີກາຂອງສະຫະລັດສັ່ງອາຍັດໄວ້ເມື່ອປີ 2015 ເພື່ອໃຊ້ເປັນ “ຄ່າຊົດເຊີຍ” ໃຫ້ກັບຄອບຄົວຜູ້ເສຍຊີວິດຈາກເຫດການກໍ່ການຮ້າຍ ແລະ ເຫດວິນາສະກຳ “ທີ່ເປັນສີມືຂອງອິຣານ”.

ຂະນະດຽວກັນ, ປະທານ ICJ ກ່າວວ່າ ແມ່ນຢູ່ວ່າເຫດວິນາດສະກຳຂອງອິຣານໃນບາງເລື່ອງຄວນຖືກຕຳນິແຕ່ ICJ ເປັນສານທີ່ມີສະຖິຕິທີ່ມີ “ອຳນາດຊອບທຳ” ໃນການພິຈາລະນາຫຼັກຖານ ໝາຍຄວາມວ່າລັດຖະບານອິຣານສາມາດຍື່ນຄຳຮ້ອງ ແລະ ສະແດງຫຼັກຖານຕາມຂັ້ນຕອນເພື່ອຮັບຟ້ອງຕໍ່ໄປໄດ້  ທັງນີ້, ອິຣານຕ້ອງການໃຫ້ ICJ ຮັບພິຈາລະນາຄະດີດັ່ງກ່າວ ໂດຍການກ່າວຫາສະຫະລັດເປັນຝ່າຍລະເມີດສົນທິສັນຍາໄມຕີ ແລະ ການຄ້າລະດັບພາຄີ, ສະບັບປີ 1955 ເຊິ່ງ ICJ ໃຊ້ອ້າງອີງເປັນພື້ນຖານໃນການພິພາກສາໃຫ້ລັດຖະບານສະຫະລັດ “ຜ່ອນຄາຍ” ມາດຕະການຂວໍ້າບາດຕໍ່ອິຣານ ໃນດ້ານທີ່ກ່ຽວກັບມະນຸດສະທຳ ເມື່ອເດືອນ ຕຸລາ 2018, ຫຼັງຈາກນັ້ນໃນວັນດຽວກັນ ທ່ານ ໄມ ປອມເປໂອ ລັດຖະມົນຕີກະຊວງການຕ່າງປະເທດສະຫະລັດ ປະກາດວ່າລັດຖະບານສະຫະລັດໄດ້ຖອນຕົວຈາກສົນທິສັນຍາສະບັບດັ່ງກ່າວແລ້ວ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews