ລົດຕີນໃຫຍ່ ສະແດງພາດໃນງານປະຈຳປີທີ່ໂຮນລັງ ຢຽບຜູ້ຊົມເສຍຊີວິດຢ່າງໜ້ອຍ 3 ລາຍ ແລະ ບາດເຈັບອີກ
ເດຍລະດາດ.
ສຳນັກຂ່າວຕ່າງປະເທດ ລາຍງານໃນວັນທີ 30 ກັນຍານີ້ວ່າ ເກີດອຸບັດເຫດລະຫວ່າງການສະແດງລົດຍົນຜີສາດ
(Monster Truck) ຫລື ລົດຍົນຕີນໃຫຍ່ປະຈຳປີ ໃນເມືອງທາງພາກຕາເວັນອອກຂອງໂຮນລັງ ໂດຍລົດຍົນກະບະ
ພະລັງສູງ ຕ້ອງແລ່ນຂ້າມຢຽບລົດຍົນ 6 ຄັນ ແຕ່ເກີດມີຄວາມຜິດພາດ ເສຍຫລັກເຂົ້າຕຳຂ້າມທາງແລ່ນມາໃສ່
ຜູ້ຊົມ ສົ່ງຜົນເຮັດໃຫ້ກຸ່ມຜູ້ຊົມແຕກຕື່ນ ແລະ ລົດຍົນຄັນດັ່ງກ່າວ ກໍໄດ້ຢຽບຜູ້ເຄາະຮ້າຍເສຍຊີວິດຢ່າງໜ້ອຍ
3 ຄົນ ແລະ ບາດເຈັບເດຍລະດາດເຖິງ 18 ຄົນ ໃນນັ້ນອາການສາຫັດ 6 ຄົນ.
ເຈົ້າໜ້າທີ່ຜູ້ຈັດງານ ຕ້ອງໄດ້ໃຊ້ເຮລິຄັອບເຕີ້ ນຳສົ່ງຜູ້ບາດເຈັບໄປໂຮງໝໍ ໃນຂະນະທີ່ຄົນຂັບລົດມໍລະນະດັ່ງກ່າວ
ຖືກຕຳຫລວດຄວບຄຸມໂຕໄວ້ສອບສວນຫາສາເຫດ ສຳລັບດຳເນີນຄະດີຕໍ່ໄປ.