ປະຊາຊົນຫວຽດນາມໃນນະຄອນຫຼວງຮ່າໂນ້ຍຈຳນວນຫຼາຍສະແດງຄວາມຍິນດີ ຫຼັງ ໂດນັລ ທຣໍ້າ ປະທານາທິບໍດີສະຫະລັດປະກາດວ່າ ການປະຊຸມສຸດຍອດຜູ້ນຳສະຫະລັດກັບ ຄິມ ຈອງ ອຶນ ຜູ້ນຳສູງສຸດເກົາຫຼີເໜືອ ຈະຈັດຂຶ້ນທີ່ປະເທດຫວຽດນາມໃນລະຫວ່າງວັນທີ 27-28 ກຸມພາ 2019 ນີ້ ເຖິງແມ່ນວ່າຍັງບໍ່ມີການລະບຸຊື່ເມືອງທີ່ຊັດເຈນກໍ່ຕາມ.

ນອກຈາກນີ້, ຊາວຫວຽດນາມຍັງສະແດງຄວາມຫວັງວ່າ ການປະຊຸມທີ່ເກີດຂຶ້ນຄັ້ງນີ້ຈະຊ່ວຍສ້າງສັນຕິພາບ ແລະ ຄວາມສຸກໃຫ້ແກ່ປະຊາຊົນ ໂດຍທຸກຝ່າຍຫວັງທີ່ຈະໃຫ້ຜົນການປະຊຸມອອກມາໃນທາງທີ່ດີ ເຊິ່ງຈະຊ່ວຍສົ່ງເສີມພາບລັກຂອງຫວຽດນາມໄດ້ອີກທາງໜຶ່ງ.

ກ່ອນໜ້ານີ້, ມີກະແສຂ່າວວ່າ ສະຫະລັດ ແລະ ເກົາຫຼີເໜືອ ຈະເລືອກປະເທດຫວຽດນາມເປັນປະເທດຈັດກອງປະຊຸມຄັ້ງທີ 2 ໂດຍມີ 2 ສະຖານທີ່ ທີ່ໄດ້ຮັບຄວາມສົນໃຈເປັນພິເສດຄື: ນະຄອນຫຼວງຮ່າໂນ້ຍ ແລະ ແຂວງ ດານັງ.

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook