spot_img
Homeຂ່າວຕ່າງປະເທດສະຫະລັດປະເຊີນກັບປະກົດການໄພໜາວຈັດ ສົ່ງຜົນໃຫ້ມີຜູ້ເສຍຊີວິດຈາກລົມໜາວຫຼາຍກວ່າ 21 ຄົນ

ສະຫະລັດປະເຊີນກັບປະກົດການໄພໜາວຈັດ ສົ່ງຜົນໃຫ້ມີຜູ້ເສຍຊີວິດຈາກລົມໜາວຫຼາຍກວ່າ 21 ຄົນ

Published on

ສຳນັກຂ່າວຕ່າງປະເທດລາຍງານຈາກເມືອງ ຊິຄາໂກ ປະເທດສະຫະລັດອາເມລິກາ ເມື່ອວັນທີ 31 ມັງກອນ 2019 ວ່າ ສຳນັກງານອຸຕຸນິຍົມວິທະຍາແຫ່ງຊາດສະຫະລັດ ລາຍງານວ່າ ອິດທິພົນຈາກປະກົດການ ພາວະມວນອາກາດເຢັນຈັດຈາກຂົ້ວໂລກເໜືອເຄື່ອນຕົວລົງທາງຕອນໃຕ້ດ້ວຍຄວາມໄວ ແລະ ມີປະລິມານຫຼາຍກວ່າປົກກະຕິ ສົ່ງຜົນໃຫ້ພູມິພາກທີ່ຢູ່ໃກ້ກັບຂົ້ວໂລກເໜືອໄດ້ຮັບຜົນກະທົບຢ່າງໜັກ ໂດຍສະເພາະພາກເໜືອ ແລະ ພາກຕາເວັນອອກສຽງເໜືອຂອງສະຫະລັດ ສົ່ງຜົນໃຫ້ມີຜູ້ເສຍຊີວິດຈາກລົມໜາວຄັ້ງນີ້ຫຼາຍກວ່າ 21 ຄົນ.

ໂຮງຮຽນຫຼາຍແຫ່ງໃນພູມິພາກມິດເວສ ແລະ ພາກຕາເວັນອອກຂອງສະຫະລັດສ່ວນໃຫຍ່ແມ່ນປິດການສອນໃນອາທິດນີ້, ໃນສ່ວນຂອງລັດອິລລິນອຍໄດ້ຮັບຜົນກະທົບຈາກປະກົດການຄັ້ງນີ້ຫຼາຍທີ່ສຸດ, ກົມອຸຕຸນິຍົມຄາດຄະເນສະພາບອາກາດອຸນຫະພູມສະເລ່ຍທົ່ວລັດໄວ້ທີ່ -36ອົງສາ, ໃກ້ຄຽງກັບສະຖິຕິ -37 ອົງສາ, ທີ່ເມືອງ ຄອງເກີວິລ ທາງຕອນກາງຂອງລັດອິລລິນອຍ ອຸນຫະພູມໃນໄລຍະອາທິດນີ້ຈະຢູ່ລະຫວ່າງ -29 ອົງສາ ເຖິງ -46 ອົງສາ.

ມີລາຍງານເພີ່ມເຕີມວ່າ ເຈົ້າໜ້າທີ່ທາງການລົດໄຟຂອງເມືອງ ຊິຄາໂກ ລັດອິລລິນອຍ ໄດ້ຈູດໄຟເຜົາລາງລົດໄຟເພື່ອລະລາຍນໍ້າກ້າມທີ່ເກາະຢູ່ຕາມລາງລົດໄຟ ໃຫ້ການສັບປ່ຽນລາງລົດໄຟສາມາດເຮັດໄດ້ປົກກະຕິ ເຊິ່ງການຈູດໄຟເຜົາລາງລົດໄຟໃນຄັ້ງນີ້ບໍ່ໄດ້ສົ່ງຜົນກະທົບໃດໆ.

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: sanook, dailynews

ບົດຄວາມຫຼ້າສຸດ

ລວມ 9 ອາຊີບມາແຮງໃນປັດຈຸບັນ

ໃນຍຸກປັດຈຸບັນຕະຫຼາດແຮງງານທີ່ກຳລັງເຕີບໃຫຍ່ຢ່າງໄວວາ ໂດຍໄດ້ຮັບອິດທິພົນມາຈາກ ແທັກໂນໂລຢີ ແລະ ພຶດຕິກຳຂອງຜູ້ຊົມໃຊ້ທີ່ປ່ຽນໄປ ເຮັດໃຫ້ທິດທາງການຫາວຽກຂອງແຮງງານເລີ່ມມີຄວາມທ້າທາຍຂຶ້ນ. ສະນັ້ນ, ທີມງານລາວໂພສຈຶ່ງໄດ້ລວບລວມບັນດາອາຊີບທີ່ມາແຮງ ແລະ ຕ້ອງການໃນຕະຫຼາດແຮງງານຫຼາຍທີ່ສຸດ ໃນປີ 2025 ມາເບິ່ງພ້ອມກັນເລີຍວ່າຈະມີອາຊີບໃດແນ່. 1 ນັກພັດທະນາປັນຍາປະດິດ...

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...