spot_img
Homeຂ່າວຕ່າງປະເທດທຣໍ້າ ບອກໃຫ້ໜ່ວຍຂ່າວກອງສະຫະລັດໄປຮຽນໜັງສືຄືນໃໝ່ ຫຼັງມີຄໍາເຫັນບໍ່ກົງກັນກັບທຣໍ້າຫຼາຍຢ່າງ

ທຣໍ້າ ບອກໃຫ້ໜ່ວຍຂ່າວກອງສະຫະລັດໄປຮຽນໜັງສືຄືນໃໝ່ ຫຼັງມີຄໍາເຫັນບໍ່ກົງກັນກັບທຣໍ້າຫຼາຍຢ່າງ

Published on

ສຳນັກຂ່າວຕ່າງປະເທດລາຍງານ ເມື່ອວັນທີ 30 ມັງກອນ 2019 ວ່າ ປະທານາທິບໍດີ ໂດນັລ ທຣໍ້າ ທະວິດຂໍ້ຄວາມເມື່ອວັນພຸດທີ່ຜ່ານມາ ວ່າໜ່ວຍງານຂ່າວກອງສະຫະລັດເປັນກຸ່ມຄົນ “ຂີ້ຄ້ານ ແລະ ອ່ອນຕໍ່ໂລກ” ເມື່ອເວົ້າເຖິງປະເດັນອິຣານ ເຊິ່ງຕອນນີ້ຖືເປັນປະເທດທີ່ເປັນອັນຕະລາຍຫຼາຍ ຄືກັບສະຖານະການໃນຊີຣີ ທີ່ກອງທັບສະຫະລັດ “ປະສົບຄວາມສຳເລັດ” ໃນການກວດລ້າງກຸ່ມໄອເອສ (ISIS) ໂດຍສະເພາະໃນໄລຍະ 5 ອາທິດທີ່ຜ່່ານມາ, ຄືກັບການເຈລະຈາກັບອາຟະການິສະຖານເພື່ອຢຸດຕິສົງຄາມທີ່ມີຄວາມຄືບໜ້າຢ່າງຕໍ່ເນື່ອງ.

ຂະນະດຽວກັນທຣໍ້າ ໄດ້ກ່າວເຖິງຄວາມສຳພັນລະຫວ່າງສະຫະລັດ ກັບ ເກົາຫຼີເໜືອໃນປັດຈຸບັນແມ່ນປ່ຽນໄປໃນທິດທາງທີ່ດີຂຶ້ນຫຼາຍ ແລະ ເຂົາກຳລັງຈະໄດ້ພົບປະຫາລືກັບທ່ານ ຄິມ ຈອງ ອຶນ ຜູ້ນຳສູງສຸດຂອງເກົາລີເໜືອອີກດ້ວຍ ຜູ້ນຳສະຫະລັດກ່າວວ່າບັນດາເຈົ້າໜ້າທີ່ໜ່ວຍງານຂ່າວກອງສະຫະລັດ “ຄວນກັບໄປຮຽນໜັງສືຄືນໃໝ່”.

ຄວາມເຄື່ອນໄຫວຂອງຜູ້ນຳສະຫະລັດມີຂຶ້ນພາຍຫຼັງຜູ້ອຳນວຍການສຳນັກຂ່າວກອງແຫ່ງຊາດສະຫະລັດ ນຳຫົວໜ້າໜ່ວຍງານຂ່າວກອງແຫ່ງຊາດ ລວມເຖິງຜູ້ອຳນວຍການສຳນັກຂ່າວກອງກາງ ແລະ ຜູ້ອຳນວຍການສຳນັກງານສອບສວນກາງ ເຂົ້າພົບຄະນະກຳມະທິການຂ່າວກອງວຸດທິສະພາ ເພື່ອສະເໜີລາຍງານວິເຄາະປະຈຳປີກ່ຽວກັບ “ໄພຄຸກຄາມທີ່ຮ້າຍແຮງຕໍ່ໂລກ” ເມື່ອວັນອັງຄານທີ 29 ມັງກອນ 2019 ທີ່ຜ່ານມາ.

ໂດຍທ່ານ ແດນ ໂຄດ ຜູ້ອຳນວຍການສຳນັກຂ່າວກອງແຫ່ງຊາດສະຫະລັດກ່າວວ່າ ຂໍ້ມູນດ້ານຂ່າວສານປັດຈຸບັນບົ່ງບອກວ່າບໍ່ມີຄວາມເປັນໄປໄດ້ທີ່ເກົາຫຼີເໜືອຈະປົດອາວຸດນິວເຄຣຍຢ່າງຖາວອນ ແຕ່ລັດຖະບານເກົາຫຼີເໜືອຍັງຄົງສະແຫວງຫາໂອກາດສ້າງອາວຸດອະນຸພາບທຳລາຍລ້າງສູງ, ການຖອນທະຫານອອກຈາກຊີຣີໃນຕອນນີ້ຍັງບໍ່ແມ່ນເວລາທີ່ສົມຄວນເຮັດ ເພາະກຸ່ມໄອເອສ (ISIS) ຍັງມີອິດທິພົນຢູ່ ແລະ ການເຈລະຈາສັນຕິພາບກັບກຸ່ມຕາລີບັນ ຍັງຕ້ອງໃຊ້ເວລາອີກດົນ ແມ່ນແຕ່ອິຣານກໍ່ຍັງຄົງເປັນໄພຄຸກຄາມຕໍ່ສະຫະລັດ ຄືກັນກັບຣັດເຊຍ, ຈີນ ແລະ ເກົາຫຼີເໜືອ ແຕ່ຍັງບໍ່ມີຂໍ້ມູນທາງດ້ານຂ່າວກອງທີ່ຢືນຢັນວ່າລັດຖະບານເຕຫະຣານ (ອິຣານ) “ລະເມີດ” ຂໍ້ຕົກລົງນິວເຄຣຍສະບັບປີ 2015.

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

 

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...