ສຳນັກຂ່າວຕ່າງປະເທດລາຍງານຈາກເມືອງ ແວນຄູເວີ ປະເທດການາດາ ເມື່ອວັນທີ 29 ມັງກອນ 2019ວ່າ ສານໄດ້ແຈ້ງໃຫ້ ນາງ ເມິ່ງ ຮັບຊາບວ່າ ຈະເລື່ອນກຳນົດການພິຈາລະນາຄຳຮ້ອງຂອງສະຫະລັດຈາກກຳນົດການເກົ່າແມ່ນວັນທີ 6 ກຸມພາ 2019 ເລື່ອນໄປເປັນວັນທີ 6 ມີນາ 2019 ໂດຍສານໃຫ້ເຫດຜົນວ່າ ເພື່ອໃຫ້ທັງສອງຝ່າຍ ໂຈດ ແລະ ຈຳເລີຍ “ມີເວລາກຽມຕົວຫຼາຍຂຶ້ນ”.
ໃນເວລາດຽວກັນ ຄະນະຜູ້ແທນເຈລະຈາການຄ້າຊຸດໃຫຍ່ຈາກລັດຖະບານຈີນໄດ້ເດີນທາງເຖິງນະຄອນຫຼວງວໍຊິງຕັນແລ້ວ ເຊິ່ງນຳໂດຍ ທ່ານ ຫຼິວ ເຮີ ຮອງນາຍົກລັດຖະມົນຕີ ແລະ ທີ່ປຶກສາດ້ານນະໂຍບາຍເສດຖະກິດຂອງປະທານາທິບໍດີ ສີ ຈິ້ນ ຜິງ ແລະ ທ່ານ ອີ້ ກັງ ປະທານທະນາຄານປະຊາຊົນຈີນ, ເຊິ່ງທ່ານ ວິວເບີ ຣອສ ລັດຖະມົນຕີກະຊວງອຸດສາຫະກຳ ແລະ ການຄ້າຂອງສະຫະລັດ ຫວັງວ່າຈີນຈະ “ແຍກແຍະ” ເລື່ອງນີ້ໄດ້ ທ່າມກາງຄວາມບໍ່ພໍໃຈຢ່າງໜັກຂອງຝ່າຍຈີນ ເຊິ່ງກ່າວຫາວ່າສະຫະລັດມີເຈດຕະນາ “ກວດລ້າງ” Huawei.
ລິ້ງຂ່າວທີ່ກ່ຽວກັບຫົວເວີ່ຍ:
ທູດການາດາປະຈຳ ສປ.ຈີນ ຍອມຮັບທາຍາດ HUAWEI ມີໂອກາດລອດ
ຂີດເສັ້ນຕາຍ 30 ມັງກອນນີ້! ລູກສາວຫົວເວີ່ຍຈະໄດ້ຮັບໂອກາດຮັບອິດສະຫຼະພາບ ຫຼື ບໍ່?
ຫົວເວີ່ຍທ້າສະຫະລັດສະແດງຫຼັກຖານຖ້າຫາກ “ລະບົບຫົວເວີ່ຍມີຄວາມສ່ຽງດ້ານຄວາມໝັ້ນຄົງ”
ສະຫະລັດບອກ! ພົບຫຼັກຖານລູກສາວປະທານຫົວເວີ່ຍຕັ້ງໃຈລະເມີດມາດຕະການຄວໍ້າບາດອີຣານ
ທຣໍ້າອາດຊ່ວຍລູກສາວປະທານຫົວເວີ່ຍຫາກເປັນການຮັກສາຜົນປະໂຫຍດດ້ານການຄ້າກັບຈີນ
ລູກສາວປະທານ “ຫົວເວີ່ຍ” ໄດ້ຮັບການປະກັນຕົວ
ຈີນຂໍໃຫ້ສະຫະລັດ ແລະ ການາດາປ່ອຍຕົວ CFO ຫົວເວີ່ຍ!
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews