ນັບແຕ່ ສປປ ລາວ ໄດ້ເຂົ້າເປັນສະມາຊິກອາຊຽນໃນປີ 1997 ຮອດປະຈຸບັນ ຄົບຮອບ 17 ປີ, ຕະຫຼອດທົດສະວັດກວ່ານີ້
ລາວໄດ້ເອົາໃຈໃສ່ກະກຽມຄວາມພ້ອມໃນຫຼາຍດ້ານ ເພື່ອສາມາດເຊື່ອມໂຍງດ້ານການເມືອງເສດຖະກິດສັງຄົມກັບບັນ
ດາປະເທດອາຊຽນ ແລະ ສາກົນຢ່າງຕໍ່ເນື່ອງ, ພື້ນຖານໂຄງລ່າງ, ຊັບພະຍາກອນມະນຸດພາຍໃນປະເທດກໍໄດ້ຮັບການ
ພັດທະນາສູ່ບາດກ້າວໃໝ່ ຊຶ່ງບັນດາຜົນງານເຫຼົ່ານັ້ນໄດ້ມາກໍຍ້ອນພັກລັດ ມີແນວທາງນະໂຍບາຍທີ່ຖືກຕ້ອງເພື່ອຈັດ
ຕັ້ງນຳພາ ແລະ ໄດ້ຮັບການຊ່ວຍເຫຼືອອູ້ມຊູຈາກບັນດາປະເທດເພື່ອນມິດ ໂດຍສະເພາະປະເທດສະມາຊິກອາຊຽນດ້ວຍກັນ.
ທ່ານ ທອງລຸນ ສີສຸລິດ ຮອງລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດໄດ້ກ່າວເນື່ອງໃນໂອກາດ ຄົບ
ຮອບ 47 ປີ ຂອງວັນສ້າງຕັ້ງສະມາຄົມບັນດາປະຊາຊາດອາຊີຕາເວັນອອກສຽງໃຕ້ ຫຼື ອາຊຽນ (8 ສິງຫາ 1967 8 ສິງຫາ
2014) ແລະ ຄົບຮອບ 17 ປີ ທີ່ ສປປ ລາວ ເຂົ້າເປັນສະມາຊິກອາຊຽນ (23 ກໍລະກົດ 1997 23 ກໍລະກົດ 2014 ວ່າ: ຕະ
ຫຼອດໄລຍະ 17 ປີ ທີ່ລາວໄດ້ເຂົ້າເປັນສະມາຊິກອາຊຽນ, ສປປ ລາວ ໄດ້ເຂົ້າຮ່ວມຢ່າງຕັ້ງໜ້າໃນຂະບວນການສ້າງປະຊາ
ຄົມເສດຖະກິດອາ ຊຽນ ແລະ ກໍໄດ້ເອົາໃຈໃສ່ສືບຕໍ່ຈັດຕັ້ງປະຕິບັດມະຕິຂອງລັດຖະບານ ສະບັບເລກທີ 04/ລບ, ລົງວັນ
ທີ 30 ເມສາ 2013 ເພື່ອກະກຽມຮັບມືກັບສິ່ງທ້າທາຍຕ່າງໆໃນການເຂົ້າຮ່ວມປະຊາຄົມອາ ຊຽນໃນປີ 2015 ຊຶ່ງປະກອບ
ດ້ວຍ 5 ແຜນວຽກທີ່ີມີຄວາມສຳຄັນຕົ້ນຕໍແມ່ນສ້າງຄວາມເຂົ້າໃຈໃຫ້ທົ່ວປວງ ຊົນກ່ຽວກັບປະຊາຄົມອາຊຽນ, ສ້າງກົນ
ໄກແລະ ປັບປຸງລະບົບປະສານງານລະຫວ່າງຂະແໜງການ ແລະ ທ້ອງຖິ່ນ, ຄົ້ນຄວ້າໂຄງການຜະລິດສິນຄ້າ, ລາຍການ
ສິນຄ້າ ແລະ ລະບົບການບໍລິການທີ່ຕິດພັນກັບທ່າແຮງຂອງ ສປປ ລາວ ເພື່ອສາມາດຄ້າຂາຍ ແລະ ແຂ່ງຂັນໃນຕະຫຼາດ
ອາຊຽນ, ບູລະນະນິຕິກຳ ແລະ ລະບຽບການຕ່າງໆ ສຳລັບການສ້າງຕັ້ງ ແລະ ດຳເນີນທຸລະກິດເພື່ອໃຫ້ພາກທຸລະກິດປັບ
ປຸງຕົນເອງ ແລະ ເພີ່ມຄວາມສາມາດໃນການແຂ່ງຂັນ, ພ້ອມນັ້ນ ກໍເອົາໃຈໃສ່ການສ້າງບຸກຄະລາກອນໃນຂະແໜງ
ການ ແລະ ທ້ອງຖິ່ນທີ່ເຂົ້າຮ່ວມເຄື່ອນໄຫວການເຊື່ອມໂຍງເສດຖະກິດສາກົນຢ່າງ ເປັນລະບົບຕໍ່ເນື່ອງ.
ໄປຄຽງຄູ່ກັນນັ້ນ ສປປ ລາວ ກໍຍັງໄດ້ລົງທຶນຢ່າງຫຼວງຫຼາຍເຂົ້າໃນການກໍ່ສ້າງພື້ນຖານໂຄງລ່າງ ແລະ ໄດ້ກຳນົດເອົາ 8
ເສັ້ນທາງເປັນເສັ້ນທາງອາຊຽນ ແລະ 4 ສະໜາມບິນເປັນສະໜາມບິນອາຊຽນ, ມາຮອດປະຈຸບັນບັນດາຫົວໜ່ວຍທຸລະ
ກິດການຂົນສົ່ງ, ບໍລິສັດຂົນສົ່ງສິນຄ້າ, ຂົນສົ່ງໂດຍສານ ແລະ ອື່ນໆໄດ້ມີຈຳນວນເພີ່ມຂຶ້ນຕົ້ນຕໍແມ່ນບັນດາຫົວໜ່ວຍ
ທຸລະກິດ ການໂຮງແຮມ, ເຮືອນພັກ, ຮ້ານອາຫານ, ສະຖານທີ່ບັນເທິງ ແລະ ບໍລິສັດທ່ອງທ່ຽວ ຊຶ່ງທັງໝົດນີ້ສະແດງ
ໃຫ້ເຫັນວ່າລາວໄດ້ມີພື້ນຖານໂຄງລ່າງທີ່ ສຳຄັນ ແລະ ຈຳເປັນຈຳນວນໜຶ່ງທີ່ເປັນພື້ນຖານໃຫ້ແກ່ການເຊື່ອມໂຍງ
ເພື່ອແນໃສ່ສ້າງໃຫ້ລາວກາຍເປັນປະເທດບໍລິການທາງບົກຂອງພາກພື້ນ ແລະ ໃຫ້ແທດເໝາະກັບສະພາບຄວາມ
ເປັນຈິງຂອງ ລາວທີ່ເປັນປະເທດທີ່ບໍ່ມີຊາຍແດນຕິດຈອດກັບທະເລ.
ນອກຈາກນັ້ນ ທ່ານ ທອງລຸນ ສີສຸລິດ ຍັງໃຫ້ຮູ້ອີກວ່າ: ສຳລັບການເຂົ້າເປັນສະມາຊິກອາຊຽນຂອງ ສປປ ລາວ ກໍຄືການ
ເຂົ້າຮ່ວມຂະບວນການສ້າງປະຊາຄົມອາຊຽນໃນປະຈຸບັນ ແລະ ການເຂົ້າຮ່ວມຂອບການຮ່ວມມືອະນຸພາກພື້ນ, ພາກພື້ນ
ແລະ ສາກົນອື່ນໆ ໄດ້ປະກອບສ່ວນເຂົ້າໃນການພັດທະນາເສດຖະກິດສັງຄົມຂອງລາວອັນໄດ້ ປະກອບສ່ວນເຮັດໃຫ້ບໍ
ລິມາດ ແລະ ມູນຄ່າການຄ້າ, ການລົງທຶນ, ນັກທ່ອງທ່ຽວ ທີ່ເຂົ້າມາທ່ຽວມີຈຳນວນເພີ່ມຂຶ້ນ, ໄດ້ສ້າງວຽກເຮັດງານທຳ
ແລະ ສ້າງລາຍຮັບອັນໄດ້ປະກອບສ່ວນສຳຄັນເຂົ້າໃນການລົບລ້າງຄວາມທຸກ ຍາກເຮັດໃຫ້ຊີວິດການເປັນຢູ່ຂອງປະ
ຊາຊົນບັນດາເຜົ່າໄດ້ຮັບການ ປັບປຸງຂຶ້ນເທື່ອລະກ້າວ.
ສ່ວນການສ້າງປະຊາຄົມອາຊຽນແມ່ນເປັນຂະບວນການທີ່ຈະຕ້ອງໄດ້ ສືບຕໍ່ພາຍຫຼັງການປະກາດສ້າງຕັ້ງປະຊາຄົມເສດ
ຖະກິດອາຊຽນໃນວັນ ທີ 31 ທັນວາ 2015, ດັ່ງນັ້ນ ອາຊຽນຈິ່ງໄດ້ເລີ່ມການຮ່າງວິໄສທັດປະຊາຄົມອາຊຽນຫຼັງປີ 2015 ເພື່ອ
ກຳນົດທິດທາງເດີນຂອງຕົນໃນອະນາຄົດ, ລາວ ເຫັນວ່າ ຫຼັງປີ 2015, ອາຊຽນຄວນສືບຕໍ່ຮັດແໜ້ນການສ້າງປະຊາຄົມ
ທີ່ປະກອບດ້ວຍ 3 ເສົາຄ້ຳ ເປັນຕົ້ນປະຊາຄົມການເມືອງຄວາມໝັ້ນຄົງ, ປະຊາຄົມເສດຖະກິດ ແລະ ປະຊາຄົມວັດທະນະ
ທຳສັງຄົມ, ອາຊຽນຈະສຶບຕໍ່ເປັນອົງການຈັດຕັ້ງພາກພື້ນລະຫວ່າງລັດຖະບານ ແລະ ເປັນປະຊາຄົມທີ່ຢູ່ຮ່ວມກັນໃນສັນ
ຕິພາບ ແລະ ຄວາມກົມກຽວໃນທ່າມກາງຄວາມຫຼາກຫຼາຍທາງດ້ານວັດທະນະທຳ, ພາສາ ແລະ ສາສະໜາ, ທັງນີ້ກໍເພື່ອ
ສຶບຕໍ່ຮ່ວມມືກັນພັດທະນາທັງພາຍໃນອາຊຽນ ແລະ ຂະຫຍາຍການຮ່ວມມືກັບພາຍນອກບົນພື້ນຖານບັນດາຫຼັກການ
ພື້ນຖານຂອງ ອາຊຽນ, ພ້ອມດຽວ ກັນນັ້ນ ອາຊຽນຈະໄດ້ສືບຕໍ່ໃຫ້ບູລີມະສິດ ແລະ ຮ່ວມມືກັນເພື່ອຮັດແຄບຄວາມ
ແຕກໂຕນດ້ານການພັດທະນາ ໂດຍສະເພາະການສ້າງເອກະສານເພື່ອສືບທອດແຜນວຽກຂໍ້ລິເລີ່ມເພື່ອ ການເຊື່ອມ
ໂຍງອາຊຽນໄລຍະສອງ ແລະ ໃຫ້ສອດຄ່ອງກັບສະຖານະພາບຫຼັງປີ 2015.
ຂອບໃຈບົດຂ່າວຈາກ: http://www.sedthakid.la/home/khao/19849.html