spot_img
Homeຂ່າວທ້ອງຖິ່ນຫຼວງນໍ້າທາ ພົບຄົນທີ່ຖືກຕົວະໄປແຕ່ງດອງ-ຄ້າປະເວນີ 252 ຄົນ

ຫຼວງນໍ້າທາ ພົບຄົນທີ່ຖືກຕົວະໄປແຕ່ງດອງ-ຄ້າປະເວນີ 252 ຄົນ

Published on

ໜຶ່ງປີຜ່ານມາ, ແຂວງ ຫຼວງນໍ້າທາ ມີຄະດີນີ້ເກີດຂຶ້ນ 41 ເລື່ອງ, ຖືກຕວົະຍົວະໄປແຕ່ງດອງ-ຂາຍປະເວນີ ແລະ ອື່ນໆ ມີ 110 ເລື່ອງ, ມີ 252 ຄົນ, ຍິງ 175 ຄົນ ແລະ ອາຍຸຕໍ່າກວ່າ 18 ປີມີ 15 ຄົນ. ຂະນະທີ່ຫົວໜ້າພະແນກຕໍາຫຼວດດ້ານການຄ້າມະນຸດ ປກສ ແຂວງ ຫຼວງນໍ້າທາ ອ້າງເຫດຜົນມາຈາກຍ້ອນແຂວງຫຼວງນໍ້າທາມີຊາຍແດນຕິດຈອດກັບ ສປ ຈີນ ກັບ ມຽນມາ ຈຶ່ງເກີດມີເຫດການປະກົດການຫຍໍ້ທໍ້ຫຼາຍ ແລະ ໄດ້ຮຽກຮ້ອງໃຫ້ທຸກຄົນເປັນເຈົ້າເຝົ້າລະວັງ, ມີສະຕິລະວັງຕົວບໍ່ໃຫ້ຫຼົງເຊື່ອຄໍາຕົວະຍົວະຂອງກຸ່ມຄົນບໍ່ດີ ຖ້າພົບເຫັນປາກົດການຢູ່ບ່ອນໃດ ຕ້ອງຮີບແຈ້ງລາຍງານຕໍ່ເຈົ້າໜ້າທີ່ກ່ຽວຂ້ອງຢ່າງຮີບດ່ວນ.

ທ່ານ ພັຕ ຈັນດາ ວັນນະແສງ ຫົວໜ້າພະແນກຕໍາຫຼວດດ້ານການຄ້າມະນຸດ ປກສ ແຂວງ ຫຼວງນໍ້າທາ ໃຫ້ຮູ້ວ່າ: ໃນໄລຍະ 1 ປີຜ່ານມາ, ແຂວງ ຫຼວງນໍ້າທາ ມີຄະດີທີ່ພົວພັນເຖິງການຄ້າມະນຸດເກີດຂຶ້ນທັງໝົດ 41 ເລື່ອງ ໃນນັ້ນ, ມີຄະດີຄ້າມະນຸດ 14 ເລື່ອງ, ຄະດີຂົ່ມຂືນ 2 ເລື່ອງ,  ຄະດີຂົ່ມຂືນເດັກ 2 ເລື່ອງ, ທໍາມິດສະຈານ 13 ເລື່ອງ, ຮັບແຈ້ງຄວາມເສຍຫາຍ 10 ເລື່ອງ. ປັດຈຸບັນ, ໄດ້ແກ້ໄຂຂັ້ນເຈົ້າໜ້າທີ່ ຫຼື ຄູ່ກໍລະນີແລ້ວ 16 ເລື່ອງ, ຜູ້ຖືກຫາ 24 ຄົນ, ຍິງ 9 ຄົນ; ສົ່ງໃຫ້ໄອຍາການແຂວງ 9 ເລື່ອງ, ຜູ້ຖືກຫາ 16 ຄົນ ແລະ ຄະດີທີ່ກໍາລັງດໍາເນີນມີ 6 ເລື່ອງ ຜູ້ຖືກຫາ 12 ຄົນ.

ທ່ານ, ໃຫ້ຮູ້ຕື່ມອີກວ່າ: ຍ້ອນແຂວງຫຼວງນໍ້າທາມີຊາຍແດນຕິດຈອດກັບ ສປ ຈີນ ກັບ ມຽນມາ ແລະ ມີດ່ານ ຕມ ສາກົນ 1 ດ່ານ, ດ່ານ ຕມ ທ້ອງຖິ່ນ 4 ດ່ານ ຜ່ານການກວດກາຄົນເຂົ້າ-ອອກເມືອງຢູ່ດ່ານ ຕມ ສາກົນບໍ່ເຕ່ນໃນໄລຍະ 1 ປີຜ່ານມາ ພົບເຫັນຍິງສາວຄົນລາວ ແລະ ຕ່າງປະເທດ ທີ່ເດີນທາງໄປປະເທດຈີນ ເພື່ອໄປແຕ່ງດອງ ຫຼື ຖືກຕົວະຍົວະຫຼອກລວງໄປຂາຍປະເວນີ ແລະ ອື່ນໆ. ຕໍ່ກັບບັນຫາດັ່ງກ່າວ, ຈຶ່ງຢາກຮຽກຮ້ອງເຖິງພໍ່ແມ່ຜູ້ປົກຄອງ, ປະຊາຊົນບັນດາເຜົ່າ ທັງພາກລັດ-ເອກະຊົນ ເປັນເຈົ້າການຊ່ວຍເຫຼືອໃນການເຝົ້າລະວັງ ແລະ ມີສະຕິລະວັງຕົວບໍ່ໃຫ້ຫຼົງເຊື່ອຄໍາຕົວະຍົວະຫຼອກລວງຂອງກຸ່ມຄົນບໍ່ດີ ຖ້າພົບເຫັນປະກົດການຢູ່ບ່ອນໃດຕ້ອງຮີບແຈ້ງລາຍງານຕໍ່ເຈົ້າໜ້າທີ່ ທີ່ກ່ຽວຂ້ອງຢ່າງຮີບດ່ວນ.

 

 

 

 

 

 

 

 

 

 

 

 

 

 

 

ຮຽບຮຽງໂດຍ: ໃບບົວ ຈັນທະລັງສີ

ແຫຼ່ງຂໍ້ມູນຈາກ: ໜັງສືພິມເສດຖະກິດ-ສັງຄົມ

ຮູບພາບຈາກ: laostoursonline.com

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...