ສຳນັກຂ່າວຕ່າງປະເທດລາຍງານຈາກນະຄອນຫຼວງປັກກິ່ງ ປະເທດຈີນ ເມື່ອວັນທີ 24 ມັງກອນ 2019 ວ່າ ທ່ານ ຈອນ ແມດຄໍລຳ ເອກອັກຄະລາດຖະທູດການາດາປະຈຳນະຄອນຫຼວງປັກກິ່ງ ກ່າວເມື່ອວັນພຸດທີ່ຜ່ານມາກ່ຽວກັບການຕໍ່ສູ້ຄະດີຂອງ ນາງ ເມິ່ງ ຫວ່ານໂຈ ລູກສາວປະທານຫົວເວີ່ຍ ເຊິ່ງຖືກຄວບຄຸມຕົວຢູ່ທີ່ເມືອງແວນຄູເວີ ຕັ້ງແຕ່ວັນທີ 1 ທັນວາ 2018 ທີ່ຜ່ານມາ ຕາມໝາຍຈັບຂອງສະຫະລັດໃນຄະດີຂວໍ້າບາດອິຣານ ແລະ ມີກຳນົດຂຶ້ນສານໃນວັນທີ 6 ກຸມພາ 2019ນີ້ ເພື່ອຕໍ່ສູ້ກັບຄຳຮ້ອງຂອງລັດຖະບານອາເມລິກາ ເຊິ່ງຕ້ອງການໃຫ້ການາດາສົ່ງຕົວນາງໃນຖານະຜູ້ຮ້າຍຂ້າມແດນ. ຍອມຮັບວ່າ ນາງ ເມິ່ງ ມີໂອກາດສະແດງ “ຂໍ້ໂຕ້ແຍ້ງທີ່ມີນໍ້າໜັກ” ໃນຫຼາຍປະເດັນທີ່ລວມເຖິງທ່າທີຂອງປະທານາທິບໍດີ ໂດນັລ ທຣໍ້າ ໃນເລື່ອງນີ້ ເຊິ່ງມີແນວໂນ້ມເຮັດໃຫ້ສານເບິ່ງວ່າ ເລື່ອງນີ້ເປັນ “ຄະດີການເມືອງ”.

ຂະນະດຽວກັນ ແມດຄໍລຳ ກ່າວເປັນໄນວ່າ ເຖິງແມ່ນວ່າລັດຖະບານສະຫະລັດຢືນຢັນວ່າຈະສົ່ງຄຳຮ້ອງຢ່າງເປັນທາງການໃຫ້ທັນຕາມເວລາກຳນົດຄືວັນທີ 30 ມັງກອນ 2019 ນີ້ ແຕ່ໂດຍສ່ວນຕົວລາວກັບເບິ່ງ “ທາງອອກ” ໃນຄະດີຂອງທາຍາດຫົວເວີ່ຍໄວ້ 3 ທາງຄື: ການາດາເນລະເທດນາງ ເມິ່ງ ໄປສະຫະລັດຕາມຄຳຂໍ, ທຸກຝ່າຍຍອມກັບສິ່ງທີ່ຈະເກີດຂຶ້ນຕາມມາເຊິ່ງອາດບໍ່ແມ່ນເລື່ອງດີ ແລະ ນາງ ເມິ່ງ ມີໂອກາດຕໍ່ໄປອີກ 1 ປີໃນການຂໍອຸທອນການເນລະເທດ ເຊິ່ງອາດຈະສົ່ງຜົນໃຫ້ເກີດທາງອອກ ນັ້ນຄືການທີ່ສ່ະຫະລັດ ແລະ ຈີນ ຈະສາມາດບັນລຸຂໍ້ຕົກລົງຮ່ວມກັນ ເພື່ອຢຸດຕິຄະດີນີ້ ຫຼື ຂໍ້ສຸດທ້າຍຄືການສົ່ງຄືນຄຳຮ້ອງຂອງລັດຖະບານສະຫະລັດທີ່ “ບໍ່ມີນໍ້າໜັກພໍ”.

ລິ້ງຂ່າວທີ່ກ່ຽວກັບຫົວເວີ່ຍ:

ຂີດເສັ້ນຕາຍ 30 ມັງກອນນີ້! ລູກສາວຫົວເວີ່ຍຈະໄດ້ຮັບໂອກາດຮັບອິດສະຫຼະພາບ ຫຼື ບໍ່?
ຫົວເວີ່ຍທ້າສະຫະລັດສະແດງຫຼັກຖານຖ້າຫາກ “ລະບົບຫົວເວີ່ຍມີຄວາມສ່ຽງດ້ານຄວາມໝັ້ນຄົງ”
ສະຫະລັດບອກ! ພົບຫຼັກຖານລູກສາວປະທານຫົວເວີ່ຍຕັ້ງໃຈລະເມີດມາດຕະການຄວໍ້າບາດອີຣານ
ທຣໍ້າອາດຊ່ວຍລູກສາວປະທານຫົວເວີ່ຍຫາກເປັນການຮັກສາຜົນປະໂຫຍດດ້ານການຄ້າກັບຈີນ
ລູກສາວປະທານ “ຫົວເວີ່ຍ” ໄດ້ຮັບການປະກັນຕົວ
ຈີນຂໍໃຫ້ສະຫະລັດ ແລະ ການາດາປ່ອຍຕົວ CFO ຫົວເວີ່ຍ!

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews.co.th