Homeຂ່າວທ້ອງຖິ່ນໃນໄລຍະວັນທີ 24-27 ມັງກອນ 2019 ນີ້ ອາກາດຈະໜາວເຢັນຂຶ້ນຕື່ມ

ໃນໄລຍະວັນທີ 24-27 ມັງກອນ 2019 ນີ້ ອາກາດຈະໜາວເຢັນຂຶ້ນຕື່ມ

Published on

ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດໃນໄລຍະວັນທີ 24-27 ມັງກອນ 2019 ຄວາມກົດດັນສູງຂອງອາກາດໜາວເຢັນຈາກປະເທດຈີນຈະເພີ່ມກຳລັງແຮງຂຶ້ນອີກເທື່ອໃໝ່ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ພ້ອມດຽວກັບກະແສລົມຕາເວັນອອກສຽງເໜືອພັດປກຄຸມ, ເຊິ່ງຈະເຮັດໃຫ້ອຸນຫະພູມອາກາດຈະເຢັນລົງ 1-3 ອົງສາ ຢູ່ທົ່ວໄປໃນແຕ່ລະພາກ ສ່ວນຕອນບ່າຍ ອາກາດຍັງຈະຮ້ອນໂດຍສະເພາະຢູ່ແຂວງພາກກາງ ຫາ ພາກໃຕ້ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນ.

ພາກເໜືອດ້ານຕາເວັນອອກ: ໃນໄລຍະວັນທີ 24-27 ມັງກອນ 2019 ອຸນຫະພູມອາກາດຈະໜາວເຢັນລົງ 1-3 ອົງສາ ພ້ອມມີລົມພັດແຮງເປັນບາງໂອກາດ.

ພາກເໜືອດ້ານຕາເວັນຕົກ: ໃນໄລຍະວັນທີ 24-27 ມັງກອນ 2019 ອຸນຫະພູມອາກາດຈະໜາວເຢັນລົງ 1-3 ອົງສາ ພ້ອມມີໝອກໜາປົກຫຸ້ມຢູ່ບາງທ້ອງຖິ່ນໃນເຂດພູສູງ ແລະ ຮ່ອມພູ.

ພາກກາງ: ໃນໄລຍະວັນທີ 24-27 ມັງກອນ 2019 ອຸນຫະພູມອາກາດຈະໜາວເຢັນລົງ 1-2 ອົງສາ ພ້ອມມີໝອກບາງຢູ່ທົ່ວໄປໃນຕອນເຊົ້າ ແລະ ໃນໄລຍະຕອນບ່າຍອາກາດຍັງຈະຮ້ອນ.

ສະເພາະແຂວງ ໄຊສົມບູນ, ເຂດຫຼັກ 20, ເມືອງ ວຽງທອງ ແລະ ເມືອງ ນາກາຍ: ໃນໄລຍະວັນທີ 24-27 ມັງກອນ 2019 ອາກາດຍັງຈະເຢັນຢູ່ຕື່ມອີກພ້ອມມີໝອກບາງປົກຫຸ້ມຫຼາຍຂຶ້ນ.

ພາກໃຕ້:  ໃນໄລຍະວັນທີ 21-27 ມັງກອນ 2019 ອາກາດຈະເຢັນລົງໃນຕອນກາງຄືນ ຫາ ຕອນເຊົ້າ, ພ້ອມມີໝອກບາງປົກຫຸ້ມຢູ່ທົ່ວໄປ ແລະ ໃນຕອນບ່າຍອາກາດຮ້ອນ.

ສະເພາະເຂດພູພຽງບໍລະເວນ:  ໃນໄລຍະວັນທີ 21-27 ມັງກອນ 2019 ອາກາດຍັງຈະໜາວເຢັນລົງ ພ້ອມມີໝອກໜາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີລົມພັດແຮງໃນບາງບໍລິເວນ.

ນະຄອນຫຼວງວຽງຈັນ: ໃນໄລຍະວັນທີ 24-27 ມັງກອນ 2019 ອຸນຫະພູມອາກາດຈະເຢັນລົງ 1-2 ອົງສາ ແລະ ມີໝອກບາງປົກຫຸ້ມຫຼາຍຂຶ້ນ ແລະ ຍັງຈະມີລົມພັດແຮງເປັນບາງໂອກາດ.

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: ກົມອຸຕຸນິຍົມ ແລະ ອຸທົກກະສາດ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...