ສຳນັກຂ່າວຕ່າງປະເທດລາຍງານຈາກນະຄອນ ອອດຕາວາ ປະເທດການາດາ ເມື່ອວັນທີ 19 ມັງກອນ 2019 ວ່າ ກະຊວງຍຸດຕິທຳຂອງການາດາອອກຖະແຫຼງການເມື່ອວັນສຸກທີ່ຜ່ານມາ ວ່າສະຫະລັດຍັງບໍ່ໄດ້ຍື່ນເອກະສານຢ່າງເປັນທາງການ ມາທີ່ລັດຖະບານການາດາ ກ່ຽວກັບຄະດີຂອງນາງ ເມິ່ງ ຫວ່ານໂຈ ຜູ້ບໍລິຫານລະດັບສູງຂອງຫົວເວີ່ຍ ຫາກທາງລັດຖະບານສະຫະລັດບໍ່ຢື່ນເອກະສານພາຍໃນວັນທີ 30 ມັງກອນ 2019 ນີ້ ກໍ່ຈະເປັນການເປີດໂອກາດໃຫ້ ນາງ ເມິ່ງ ຫວ່ານໂຈ ໄດ້ຮັບອິດສະຫຼະພາບ ຫຼັງຈາກຂຶ້ນສານໃນວັນທີ 6 ກຸມພາ 2019 ນີ້.
ກົດໝາຍວ່າດ້ວຍການສົ່ງຕົວຜູ້ຮ້າຍຂ້າມແດນຂອງການາດາລະບຸວ່າ ປະເທດຄູ່ສັນຍາຕ້ອງຍື່ນຄຳຮ້ອງພາຍໃນ 60 ວັນ ນັບຕັ້ງແຕ່ລັດຖະບານການາດາສາມາດຄວບຄຸມຕົວບຸກຄົນນັ້ນຕາມໝາຍຈັບຂອງລັດພາຄີ.
ດ້ານກະຊວງຍຸດຕິທຳຂອງສະຫະລັດເກືອບບໍ່ເຄີຍສະແດງປະຕິກິລິຍາຕໍ່ຄະດີຂອງນາງ ເມິ່ງ ຂະນະທີ່ປະທານາທິບໍດີ ໂດນັລ ທຣໍ້າ ເຄີຍກ່າວເລື່ອງນີ້ແນ່ແລ້ວ.
ລິ້ງຂ່າວທີ່ກ່ຽວກັບຫົວເວີ່ຍ:
ຫົວເວີ່ຍທ້າສະຫະລັດສະແດງຫຼັກຖານຖ້າຫາກ “ລະບົບຫົວເວີ່ຍມີຄວາມສ່ຽງດ້ານຄວາມໝັ້ນຄົງ”
ສະຫະລັດບອກ! ພົບຫຼັກຖານລູກສາວປະທານຫົວເວີ່ຍຕັ້ງໃຈລະເມີດມາດຕະການຄວໍ້າບາດອີຣານ
ທຣໍ້າອາດຊ່ວຍລູກສາວປະທານຫົວເວີ່ຍຫາກເປັນການຮັກສາຜົນປະໂຫຍດດ້ານການຄ້າກັບຈີນ
ລູກສາວປະທານ “ຫົວເວີ່ຍ” ໄດ້ຮັບການປະກັນຕົວ
ຈີນຂໍໃຫ້ສະຫະລັດ ແລະ ການາດາປ່ອຍຕົວ CFO ຫົວເວີ່ຍ!
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews.co.th