spot_img
Homeຂ່າວຕ່າງປະເທດພົບແອ່ງນໍ້າແຂງຂະໜາດໃຫຍ່ເທິງດາວອັງຄານ

ພົບແອ່ງນໍ້າແຂງຂະໜາດໃຫຍ່ເທິງດາວອັງຄານ

Published on

ພາລະກິດດາວທຽມສຳຫຼວດດາວອັງຄານຊື່ ມາຣສ໌ ເອັກຊ໌ເພຣສ (Mars Express) ຂອງອົງການອາວະກາດເອີຣົບ (European Space Agency-ESA) ຖືກປ່ອຍອອກຈາກໂລກເມື່ອວັນທີ 2 ມິຖຸນາ 2003 ໃຊ້ເວລາໃນການເດີນທາງ 6 ເດືອນຈິ່ງໄປຮອດດາວອັງຄານ ດາວທຽມໄດ້ຍິງເຄື່ອງຍົນຕົ້ນກຳລັງເຂົ້າສູ່ວົງໂຄຈອນຮອບດາວເຄາະສີແດງເມື່ອວັນທີ 25 ທັນວາ 2003 ແລະ ໃນປີ 2018ນີ້ ຖືເປັນວາລະຄົບຮອບ 15 ປີຂອງຈຸດເລີ່ມຕົ້ນແຜນການດ້ານວິທະຍາສາດທີ່ສຳຄັນຂອງດາວອັງຄານ.

ເມື່ອບໍ່ດົນມານີ້ຍານ ມາຣສ໌ ເອັກຊ໌ເພຣສ ໄດ້ພົບສິ່ງທີ່ບົ່ງບອກວ່າໃຕ້ພື້ນຜິວດາວອັງຄານທີ່ເປັນນໍ້າແຂງນັ້ນເຄີຍເປັນທະເລສາບ ແລະ ລ່າສຸດກ້ອງຖ່າຍຮູບເຕີຣິໂອຄວາມລະອຽດສູງ (High Resolution Stereo Camera-HRSC) ເທິງຍົນໄດ້ບັນທຶກພາບຄວາມສວຍງາມຂອງແອ່ງນໍ້າແຂງໂຄໂຣເລຟ ຄຣາເຕີ (Korolev crater) ທີ່ຕັ້ງຊື່ຕາມເຊີເກ ໂຄໂຣເລຟ ເຈົ້າພໍ່ແຫ່ງວົງການເທັກໂນໂລຢີອາວະກາດໂຊວຽດ ແອ່ງແຫ່ງນີ້ຕັ້ງຢູ່ທາງຕອນເໜືອຂອງດາວອັງຄານ ໃນແອ່ງມີນໍ້າແຂງໜາປະມານ 1.8 ກິໂລແມັດ ເປັນແຖບຈຳນວນ 5 ແຖບໃນວົງໂຄຈອນທີ່ແຕກຕ່າງ ແລະ ນຳມາລວມເຂົ້ານຳກັນສ້າງເປັນຮູບດຽວ ເຮັດໃຫ້ເປັນຮູບທີ່ສົມບູນຂຶ້ນຂອງພູມສັນຖານຂອງປະເທດທັງໃນ ແລະ ຮອບແອ່ງໂຄໂຣລຟທີ່ກວ້າງປະມານ 82 ກິໂລແມັດ

ການທີ່ແອ່ງເປັນນໍ້າແຂງກໍ່ເນື່ອງມາຈາກປະກົດການທີ່ຮຽກວ່າ cold trap ເຊິ່ງສ່ວນທີ່ເລິກທີ່ສຸດຂອງແອ່ງໂຄໂລເລຟເຮັດໜ້າທີ່ເປັນກັບດັກຄວາມເຢັນຕາມທຳມະຊາດ ອາກາດທີ່ເຄື່ອນໄຫວເໜືອນໍ້າແຂງທີ່ເຢັນຕົວລົງ ແລະ ຈົມລົງ ກໍ່ໃຫ້ເກີດຊັ້ນຂອງອາກາດເຢັນທີ່ຢູ່ເໜືອນໍ້າແຂງ ເຮັດໃຫ້ນໍ້າແຂງໃນແອ່ງນີ້ມີຄວາມເຢັນສະເໜີກັນຢ່າງຖາວອນ.

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: thairath

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...