Homeຂ່າວຕ່າງປະເທດອະດີດນາຍົກອົດສະຕາລີ ຍອມຮັບ " ອັບອາຍ " ທີ່ຫລົງເຊື່ອອາເມຣິກາ ສົ່ງທະຫານຮ່ວມສົງຄາມໃນອີຣັກ

ອະດີດນາຍົກອົດສະຕາລີ ຍອມຮັບ ” ອັບອາຍ ” ທີ່ຫລົງເຊື່ອອາເມຣິກາ ສົ່ງທະຫານຮ່ວມສົງຄາມໃນອີຣັກ

Published on

 

ອະດີດນາຍົກລັດຖະມົນຕີ ຈອນ ໂຮເວີດ ແຫ່ງອົດສະຕາລີ ຍອມຮັບວ່າຮູ້ສຶກອັບອາຍ ທີ່ຫລົງເຊື່ອສະຫະລັດ ຈົນຍອມ

ສົ່ງທະຫານເຂົ້າຮ່ວມສົງຄາມໃນອີຣັກ ແຕ່ບໍ່ພົບອາວຸດທຳລາຍລ້າງສູງ ຢ່າງທີ່ສະຫະລັດກ່າວອ້າງ.

 

ທ່ານໂຮເວີດ ເຊິ່ງນັ່ງຕັ່ງອີ້ນາຍົກລັດຖະມົນຕີຂອງອົດສະຕາລີ ລະຫວ່າງປີ 1996-2007 ເຄີຍກ່າວໃນຂະນະນັ້ນວ່າ ເຂົາ

ໄດ້ຕັດສິນໃຈສົ່ງທະຫານຊາວອົດສະຕາລີໄປຊ່ວຍກອງກຳລັງຂອງສະຫະລັດ ແລະ ອັງກິດ ເພື່ອບຸກໂຈມຕີອີຣັກ ເພາະ

ເຊື່ອວ່າລັດຖະບານຂອງ ຊັດດຳ ຮຸສເຊນ ມີອາວຸດເຄມີທຳລາຍລ້າງສູງຢູ່ໃນຄອບຄອງ.

 

ທ່ານ ໂຮເວີດ ໄດ້ໃຫ້ສຳພາດ່ສະຖານີໂທລະພາບເຊເວັນ ເນັດເວີກ ໃນຕອນຄ່ຳຂອງວັນທີ 21 ກັນຍາ 2014 ວ່າ ” ຂ້ອຍ

ໄດ້ຖືກລະດົມດ້ວຍສຳນວນພາສາທີ່ໜັກແໜ້ນ ຂອງໜ່ວຍການຂ່າວອາເມຣິກາ ເມື່ອເດືອນພະຈິກປີ 2002, ພວກ

ເຂົາສະຫລຸບວ່າ ອີຣັກຕ້ອງມີອາວຸດທຳລາຍລ້າງສູງຢ່າງແນ່ນອນ ແລະ ອາດຈະເຖິງຂັ້ນຄອບຄອງອາວຸດນິວເຄຼຍອີກ

ດ້ວຍ “

 

ຈົນເຖິງບັດນີ້ກໍຍັງບໍ່ມີໃຜພິສູດໄດ້ວ່າ ອີຣັກຊຸກເຊື່ອງອາວຸດທຳລາຍລ້າງສູງ ດັ່ງທີ່ອາເມຣິກາກ່າວອ້າງ ຈົນນຳມາເຊິ່ງ

ການກະທຳສົງຄາມທີ່ຍືດເຍື້ອຍາວນານນັບທົດສະວັດ ແລະ ຂ້າຊີວິດພົນລະເມືອງອີຣັກ ແລະ ທະຫານຂອງຕ່າງຊາດ

ໄປຫລາຍພັນຄົນ ຈິ່ງເປັນທີ່ປະກົດຢ່າງຊັດເຈນຂຶ້ນທຸກມື້ວ່າ ເປັນຂໍ້ອ້າງທີ່ບໍ່ມີມູນຄວາມຈິງ.

 

ທ່ານ ໂຮເວີດ ກ່າວວ່າ ” ຂ້ອຍຮູ້ສຶກອັບອາຍຫລາຍ ແລະ ບໍ່ຢາກຈະເຊື່ອວ່າໂຕຂ້ອຍເອງກໍເຄີຍເຊື່ອຖືຂໍ້ມູນພວກນັ້ນ

ຢ່າງຈິງຈັງ “

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...