ສຳນັກຂ່າວຕ່າງປະເທດລາຍງານຈາກນະຄອນຫຼວງໂຊລ ປະເທດເກົາຫຼີໃຕ້ ເມືອວັນທີ 28 ພະຈິກ 2018 ວ່າ ກະຊວງວິທະຍາສາດຂອງເກົາຫຼີໃຕ້ຖະແຫຼງການວ່າ ເກົາຫຼີໃຕ້ປະສົບຄວາມສຳເລັດໃນການທົດລອງຍິງຈະຫຼວດຂັບເຄື່ອນເພື່ອທົດສອບເຄື່ອງຍົນຜະລິດໃນປະເທດ ໂດຍຈະຫຼວດຂັບເຄື່ອນຕົກລົງນອກຝັ່ງທາງພາກໃຕ້ຂອງເກົາຫຼີໃຕ້ ເມື່ອວັນພຸດທີ່ຜ່ານມາ.
ທັງນີ້, ເກົາຫຼີໃຕ້ຕັ້ງເປົ້າທີ່ຈະພັດທະນາຈະຫຼວດຂັບເຄື່ອນສູ່ອາວະກາດໃຫ້ໄດ້ພາຍໃນ 2021 ໂດຍເມື່ອປີ 2015 ທີ່ຜ່ານມາເກົາຫຼີໃຕ້ເຄີຍປະສົບຄວາມສຳເລັດໃນການສົ່ງດາວທຽມຂຶ້ນສູ່ວົງໂຄຈອນທ້ອງຟ້າເປັນຄັ້ງທຳອິດຈາກດິນແດນເກົາຫຼີໃຕ້ ໂດຍໃຊ້ຈະຫຼວດຂັບເຄື່ອນ ແຕ່ບາງສ່ວນຂອງຈະຫຼວດນັ້ນໄດ້ຮັບຄວາມຊ່ວຍເຫຼືອຈາກຣັດເຊຍ.
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: dailynews.co.th