spot_img
Homeຂ່າວພາຍ​ໃນມາຮູ້ຈັກກັບພາກຊັນ ຫ້າງແຫ່ງໃໝ່ໃນນະຄອນຫຼວງວຽງຈັນ

ມາຮູ້ຈັກກັບພາກຊັນ ຫ້າງແຫ່ງໃໝ່ໃນນະຄອນຫຼວງວຽງຈັນ

Published on

1ບໍລິສັດພາກຊັນແມ່ນຫຍັງ?

O ພາກຊັນເປັນ ບໍລິສັດລູກຂອງບໍລິສັດ ໄລອອນ ກຣຸບ ມາເລເຊຍ, ໃນປີ 2005 ໄດ້ມີການລົງທະບຽນຕະຫຼາດຫຼັກຊັບທີ່ຮົງກົງ, ພາກຊັນ ມີຮ້ານຄ້າ 115 ແຫ່ງໃນອາຊີ, ຮ້ານຄ້າຕ່າງໆລວມມີສູນການຄ້າ, ຫ້າງສັບພະສິນຄ້າ, ແລະ ຊຸບເປີມາເກັດ; ມີລາຍໄດ້ ປະຈໍາປີແມ່ນປະມານ 3.77 ຕື້ໂດລາສະຫະລັດ.

2ພາກຊັນກຳລັງກຽມເຮັດຫຍັງຢູ່ລາວ?

o       ປະຈຸບັນ ພາກຊັນຈະເປີດສູນການຄ້າໃນປະເທດລາວ ໂດຍຕັ້ງຢູ່ ເຂດ A ຂອງສູນການຄ້າສາກົນ (World Trade Center), ຂ້າງໆວຽງຈັນເຊັນເຕີ້. ອີງຕາມສະພາບທ້ອງຖິ່ນ ຂອງ ປະເທດລາວ, ໃນອະນາຄົດ ອາດຈະມີການ ດໍາເນີນກິດຈະການທີ່ກ່ຽວຂ້ອງກັບອະສັງຫາລິມະຊັບ, ການລົງທຶນທາງການເງິນ, ຮ້ານຄ້າປອດພາສີ, ການພັດທະນາຊັບພະຍາກອນທໍາມະຊາດ ແລະ ຂະແໜງການອື່ນໆ.

3ສູນການຄ້າພາກຊັນ ວາງຕໍາແໜ່ງທາງທຸລະກິດຂອງຕົນແບບໃດ?

o       ເປັນສູນການຄ້າ ທີ່ມີຄຸນນະພາບ ທີ່ຊ່ອງໜ້າກັບ ມວນຊົນ ແລະ ປະຊາຊົນທຸກໄວ.

4ໃນອະນາຄົດມີແຜນຈະນໍາເອົາແບຣນໃດເຂົ້າມາໃນລາວ?

o       ສູນການຄ້າພາກຊັນ ຈະນໍາເຂົ້າຜະລິດຕະພັນເຄື່ອງສໍາອາງສາກົນທີ່ຍັງບໍ່ມີໃນລາວປະຈຸບັນ, ເຄື່ອງນຸ່ງຮົ່ມທີ່ເປັນແບຣນສາກົນ, ຊຸບເປີມາເກັດພາກຊັນ, ອາຫານ ແລະ ເຄື່ອງດື່ມ ຈາກໄທ, ຈີນ, ມາເລເຊຍ. ພ້ອມດຽວກັນນັ້ນ ຍັງຈະຍາດແຍ່ງ ໃນການນໍາເຂົ້າມາ ແບຣນ H&M, ຢູນີໂຄ (UNIQLO), KFC, ແມັກໂດໂນ (McDonald’s), ສາຕາບັກ (Starbucks) ເພື່ອເຕີມເຕັມຕະຫຼາດທີ່ວ່າງເປົ່າໃນລາວ.

5ທ່ານມີຍຸດທະສາດແນວໃດທີ່ຈະດຶງດູດລູກຄ້າໃຫ້ມາຊ໋ອບປິ້ງຢູ່ທີ່ພາກຊັນ?

o       ສູນການຄ້າພາກຊັນມີແບບທຸລະກິດທີ່ອຸດົມສົມບູນ, ລວມມີ: ຊຸບເປີມາເກັດພາກຊັນ, ສູນອາຫານພາກຊັນ (Food court), ຮ້ານຄ້າສູນລວມເຄື່ອງສໍາອາງສາກົນ, ໂຮງຮູບເງົາ, ສູນກິລາ, ຮ້ານອາຫານຈາກແຕ່ລະປະເທດໃນອາຊີຕາເວັນອອກສ່ຽງໃຕ້, ສູນເກມ, ເສື້ອຜ້າເຄື່ອງນຸ່ງຮົ່ມ ຢີ່ຫໍ້ສາກົນ, ບ່ອນຫຼິ້ນສຳລັບເດັກນ້ອຍ, ສູນຝຶກອົບຮົມການສຶກສາ, ສູນເສີມສວຍ, ຄລີນິກປົວແຂ້ວ.

o       ສູນການຄ້າພາກຊັນ ຮັບປະກັນວ່າ ສິນຄ້າ ທຸກໆອັນ ທີ່ ລູກຄ້າ ຊື້ໃນສູນການຄ້າຂອງພວກເຮົາ ແມ່ນສິນຄ້າຂອງແທ້ ທີ່ໄດ້ ຮັບສິດຈາກແບຣນນັ້ນໆແລ້ວ.

o       ພວກເຮົາຈະພະຍາຍາມ ຮັບປະກັນໃຫ້ລາຄາຂອງສິນຄ້າໃນສູນການຄ້າພວກເຮົາເທົ່າກັບລາຄາສິນຄ້າ ໃນປະເທດອື່ນໆ, ເພື່ອທີ່ຈະສະໜອງ ການຈັບຈ່າຍໃຊ້ສອຍທີ່ເຊື່ອມໂຍງກັບສາກົນໃຫ້ແກ່ລູກຄ້າລາວ.

6ທາງພາກຊັນມີກິດຈະກຳພິເສດ ຫຼື ໂປຣໂມຊັນຫຍັງແນ່ນໍ?

o       ພວກເຮົາຈະອີງຕາມ ເທສະການ ເພື່ອວາງແຜນ ກ່ຽວກັບ ກິດຈະກໍາໂປຣໂມຊັນ, ແລະ ຈະອີງຕາມສະພາບຕະຫຼາດ ເພື່ອທີ່ຈະຈັດຕັ້ງກິດຈະກໍາເດີນແບບສະແດງເສື້ອຜ້າ, ກິດຈະເດີນແບບສະແດງການແຕ່ງໜ້າ, ເທສະການດົນຕີ, ເທສະການອາຫານ ແລະ ອື່ນໆ, ແລະ ຈະເຊື້ອເຊີນດາລາທີ່ລູກຄ້າລາວນິຍົມຊົມຊອບ ມາທີ່ສູນການຄ້າຂອງພວກເຮົາດ້ວຍ.

7ສະຖານທີ່ຝາກລົດສາມາດຮອງຮັບລົດໄດ້ເທົ່າໃດ?

o       ສະຖານທີ່ຝາກລົດແມ່ນສາມາດຮອງຮັບໄດ້ປະມານ 2 ພັນກວ່າຄັນ ເຊິ່ງຈະບໍລິການໃຫ້ຈອດຟຣີ.

8ໃນອະນາຄົດຈະມີແຜນການຂາຍເຄື່ອງທາງອອນລາຍຫຼືບໍ່?

O ໃນປັດຈຸບັນນີ້, ຊ໋ອບປິ້ງອອນລາຍຂອງພາກຊັນມີແຕ່ຢູ່ໃນປະເທດຈີນ ແລະ ມາເລເຊຍ ເພາະປະເທດເຂົາເຈົ້າມີປະຊາກອນຫຼາຍກວ່າ ແລະ ມິເງື່ອນໄຂສະດວກຫຼາຍຢ່າງ; ແຕ່ຖ້າຫາກຢູ່ລາວເຮົາມີຜົນຕອບຮັບທີ່ດີ ແລະ ການຂາຍບັນລຸໄດ້ຕາມເປົ້າໝາຍ ເຮົາກໍອາດຈະເປີດການຊ໋ອບປິ້ງແບບອອນລາຍເຊັ່ນກັນ.

9ເຮົາຈະສາມາດຕິດຕາມກິດຈະກຳ ແລະ ໂປຣໂມຊັນຂອງພາກຊັນໄດ້ຊ່ອງທາງໃດແນ່?

ທ່ານສາມາດ ຄົ້ນຫາ PARKSON LAOS ຢູ່ທີ່ Facebook ແລ້ວຕິດຕາມເປັນແຟນເພດຈ໌ຂອງພວກເຮົາ, ເພື່ອໃຫ້ທ່ານ ໄດ້ຮັບຂໍ້ມູນກ່ຽວກັບ ກິດຈະກໍາ ແລະ ໂປຣໂມຊັນຕ່າງໆຂອງພວກເຮົາ, ຫຼັງຈາກພວກເຮົາເປີດກິດຈະການແລ້ວ ພວກເຮົາ ຈະມີລະບົບ ການບໍລິຫານຄຸ້ມຄອງສະມາຊິກ ເພື່ອທີ່ຈະສົ່ງຂໍ້ມູນກ່ຽວກັບກິດຈະກໍາ ແລະ ໂປຣໂມຊັນຕ່າງໆໃຫ້ແກ່ ລູກຄ້າຢ່າງທັນເວລາ.

ຂໍ້ມູນຕິດຕໍ່:

ໂທ: 020 52994715

www.parksongroup.com, www.facebook.com/parksonlaos

ຕັ້ງຢູ່ສູນການຄ້າ World Trade Center, ຖະໜົນ ຄູວຽງ, ບ້ານ ໜອງຈັນ,

ເມືອງ ສີສັດຕະນາກ, ນະຄອນຫຼວງວຽງຈັນລ

ແຫຼ່ງຂໍ້ມູນ: ວາລະສານຈໍາປາເມືອງລາວ ສະບັບເດືອນພະຈິກ-ຕຸລາ 2018

ບົດຄວາມຫຼ້າສຸດ

ເດັກຊາຍຄົນທຳອິດ ທີ່ສາມາດຫາຍຂາດຈາກໂຣກມະເຮັງສະໝອງໄລຍະສຸດທ້າຍ ໂດຍໃຊ້ໄລຍະເວລາປິ່ນປົວກວ່າ 8 ປີ

ລາຍງານຈາກສຳນັກຂ່າວປະເທດຝຣັ່ງ ໃຫ້ຮູ້ວ່າ ມີເດັກຊາຍຊື່ວ່າ ລູຄັສ ເຈເມວຈິໂນວາ ໄດ້ເຂົ້າໄປກວດຮ່າງກາຍທີ່ໂຮງໝໍແຫ່ງໜຶ່ງໃນປະເທດຝຣັ່ງ ຜົນປະກົດວ່າ ເປັນໂຣກກິໂອມາ (ມະເຮັງໃນສະໝອງ) ເຊິ່ງເລີ່ມກວດພົບໂຣກນີ້ຕັ້ງແຕ່ມີອາຍຸ 6 ປີ, ເຊິ່ງທ່ານໝໍໄດ້ວິເຄາະວ່າ 90%...

ບໍ່ແມ່ນແຂ້ວແມງ ສັງເກດດີໆກ່ອນ ກະແສສັກລາຍໃສ່ແຂ້ວກຳລັງເປັນທີ່ນິຍົມຢ່າງແຜ່ຫຼາຍໃນກຸ່ມໄວລຸ້ນຈີນ ມີໃຜຢາກລອງເຮັດບໍ່?

ໃນວັນທີ 23/09/2025, ລາຍງານຈາກສຳນັກຂ່າວໃນປະເທດຈີນ ໃຫ້ຮູ້ວ່າ ກະແສການສັກແຂ້ວ ຫຼື ກາານຕົກແຕ່ງເຄືອບແຂ້ວດ້ວຍລວດລາຍຕ່າງໆທີ່ມີຄວາມງາມ ກຳລັງເປັນກະແສນິຍົມໃນກຸ່ມໄວລຸ້ນຂອງຈີນ ຖືວ່າເປັນການສະແດງຕົວຕົນຜ່ານຮອຍສັກຢູ່ແຂ້ວ ເປັນອີກວິທີທີ່ທັນສະໄໝ ແລະ ແຕກຕ່າງຈາກຮອຍສັກເທິງຜົວໜັງ. ການແກະສະຫຼັກແຂ້ວ ຫຼື ສັກແຂ້ວ...

ສສກ ຊີ້ແຈງຄວາມເປັນມາ ແລະ ຄວາມເປັນຈິງກ່ຽວກັບໂຄງການອາຫານທ່ຽງໃນໂຮງຮຽນ

ກະຊວງສຶກສາທິການ ແລະ ກິລາ ຂໍຊີ້ແຈງອະທິບາຍ ກ່ຽວກັບຄວາມເປັນມາ ແລະ ສະພາບຄວາມເປັນຈິງ ຂອງໂຄງການອາຫານທ່ຽງໃນໂຮງຮຽນ ທີ່ໄດ້ຮັບການຈັດຕັ້ງປະຕິບັດ ຢູ່ ສປປ ລາວ ໃນໄລຍະຜ່ານມາ 20...

ຂາຍໄດ້ແທ້ບໍ່? ລູກອັນທະຂ້າງລະ 175.000ໂດລາ (ປະມານ 3,6ຕື້ກີບ) ຊື້ໄປເຮັດຫຍັງ ແລະ ຜົນທີ່ຕາມມາຖ້າບໍ່ມີມັນ

ຈາກກະແສໃນໂລກອອນລາຍກ່ຽວກັບການຂາຍລູກອັນທະ ລາຄາຂ້າງລະ 175.000 ໂດລາ ຫຼື ປະມານ 3,6 ຕື້ກີບ. ເຮັດຫຼາຍຄົນແຕກຕື່ນ ໂດຍສະເພາະທ່ານຊາຍ ແລະ ມີຄວາມສົນໃຈກ່ຽວກັບກະແສດັ່ງກ່າວ ເພື່ອຢາກຮູ້ວ່າສາມາດຂາຍໄດ້ແທ້ບໍ, ລາຄາສູງເເທ້ບໍ່...