ສຳນັກຂ່າວຕ່າງປະເທດ ລາຍງານໃນວັນທີ 18 ກັນຍາ 2014 ນີ້ວ່າ ບໍລິສັດ EMAXX ເຊິ່ງເປັນບໍລິສັດໃຫ້ການບໍລິການ

ດ້ານໂທລະຄົມມະນາຄົມໃນກຳປູເຈຍ ໄດ້ລົງນາມຂໍ້ຕົກລົງຮ່ວມກັນກັບບໍລິສັດ Huawei ເຊິ່ງມີຂຶ້ນໃນວັນພຸດທີ 17

ກັນຍາ 2014 ທີ່ຜ່ານມາ ຢູ່ນະຄອນຫລວງພະນົມເປັນ ໂດຍການເຂົ້າຮ່ວມຂອງລັດຖະມົນຕີກະຊວງໄປສະນີ ແລະ ໂທ

ລະຄົມມະນາຄົມກຳປູເຈຍ ແລະ ທີ່ປຶກສາການເມືອງສະຖານທູດຈີນປະຈຳກຳປູເຈຍ ເຂົ້າຮ່ວມເປັນສັກຂີພິຍານ.

ຄຳຖະແຫລງຫລັງພິທີລົງນາມໄດ້ລະບຸວ່າ ບໍລິສັດຫົວເວີ່ຍຂອງຈີນ ສະຈ້າງສະຖານີຖານ 4 ຈີ ໃນ 8 ເມືອງຂອງກຳປູ

ເຈຍ ເຊິ່ງໂຄງການທັງໝົດຄາດວ່າ ຈະໃຊ້ເວລາໃນການດຳເນີນການປະມານ 2 ປີ ໂດຍໂຄງການນີ້ ແມ່ນມີວັດຖຸປະ

ສົງທີ່ຈະສ້າງເຄືອຂ່າຍຂໍ້ມູນ ແລະ ການສື່ສານໃນກຳປູເຈຍ ເຊິ່ງປະກອບດ້ວຍການກໍ່ສ້າງສູນກາງເຄືອຂ່າຍໃຫ້ບໍລິ

ການຂໍ້ມູນອິນເຕີເນັດແບບຄົບວົງຈອນ ແລະ ເມື່ອໂຄງການດັ່ງກ່າວນີ້ຫາກສຳເລັດສົມບູນ ເຄືອຂ່າຍທັງໝົດກໍຈະ

ສາມາດຮອງຮັບປະຊາກອນ 90% ຂອງທັງ 8 ເມືອງ.

ທີ່ປຶກສາດ້ານການເມືອງຂອງສະຖານທູດຈີນປະຈຳກຳປູເຈຍ ໄດ້ລະບຸວ່າ ຈີນມີຄວາມຍິນດີທີ່ຈະເຫັນບໍລິສັດຂອງ

ຈີນ ເຂົ້າມາລົງທຶນໃນກຳປູເຈຍຫລາຍຂຶ້ນ ເພື່ອຊ່ວຍເສີມຂະຫຍາຍຄວາມສຳພັນລະຫວ່າງ 2 ປະເທດ ແລະ ເຊື່ອວ່າ

ຍັງມີບໍລິສັດຂອງຈີນອີກຈຳນວນຫລາຍ ທີ່ຢາກຈະເຂົ້າມາລົງທຶນໃນກຳປູເຈຍ ເພື່ອພັດທະນາປະເທດ ແລະ ສ້າງອາ

ນາຄົດທີ່ດີຍິ່ງຂຶ້ນຮ່ວມກັນກັບຊາວກຳປູເຈຍ.