ໃນວັນທີ 17 ກັນຍາ 2014 ນີ້ ສຳນັກຂ່າວຕ່າງປະເທດ ໄດ້ເຜີຍແຜ່ພາບຊາວເມືອງຊາຜິງປ້າ ໃນນະຄອນສົງຊິ່ງ ພາກັນ
ອອກມານັ່ງພັກຜ່ອນຕຶກປາ ເພື່ອນຳເອົາໄປປຸງແຕ່ງເປັນອາຫານ ຫລັງຈາກປະສົບອຸທົກກະໄພ ນ້ຳຖ້ວມເມືອງ ຈົນບໍ່
ສາມາດອອກໄປທາງໃດ.
ລາຍງານຂ່າວໄດ້ລະບຸວ່າ ຊາວບ້ານໃນເຂດເມືອງບູຮານສືຊິ່ວໂຂ່ວ ພາກັນຈັບເບັດອອກມາຕຶກປາ ເພື່ອຂ້າເວລາໃນ
ຍາມນ້ຳຖ້ວມ ຍ້ອນບໍ່ສາມາດອອກໄປເຮັດວຽກ ຫລື ເດີນທາງອອກໄປທາງໃດໄດ້ ພວກເຂົາຈິ່ງພາກັນອອກມາຕຶກປາ
ຢ່າງຟົດຟື້ນເປັນຂະບວນ.
ທັງນີ້ ພາຍຸຝົນໄດ້ພັດຕົກເຂົ້າໃສ່ເມືອງດັ່ງກ່າວ ເຮັດໃຫ້ແມ່ນ້ຳແຢງຊີກຽງ ຍື່ງຂຶ້ນລົ້ນຝັ່ງເຂົ້າຖ້ວມບ້ານເຮືອນແຄມ
ແມ່ນ້ຳ ໃນລະດັບສູງທີ່ສຸດໃນຮອບປີ ໂດຍແມ່ນ້ຳ ຢາຫລິງຈຽງ ເຊິ່ງແຕກສາຍຍ່ອຍອອກມາຈາກແມ່ນ້ຳແຢງຊີກຽງ
ມີນ້ຳສູງກ່ວາລະດັບເຕືອນໄພເຖິງ 1.80 ແມັດ ໃນຂະນະທີ່ທາງການເມືອງສົງຊິ່ງ ໄດ້ປະກາດເຕືອນໄພນ້ຳຖ້ວມໃນລະ
ດັບສີເຫລືອງ ແລະ ອົບພະຍົບຊາວບ້ານຫລາຍຮ້ອຍຄົນ ອອກຈາກພື້ນທີ່ປະສົບໄພພິບັດ.
