ປີຍະມາດ ພູນປະເສີດ (ບາບີ້) ຄວ້າມຸງກຸດ Miss International Laos 2018 ໄປຄອງ ພ້ອມເປັນຕົວແທນຈາກປະເທດລາວໄປປະກວດທີ່ປະເທດຍີ່ປຸ່ນໃນວັນທີ 9 ພະຈິກ 2018 ທີ່ຈະມາເຖິງນີ້.
ການປະກວດນາງງາມເວທີ Miss International Laos 2018 ໄດ້ຈັດຂຶ້ນໃນຄໍ່າຄືນຂອງວັນທີ 14 ຕຸລາ 2018 ທີ່ຜ່ານມາທີ່ ໂຮງແຮມ ຄຣາວ ພຣາຊາ, ເວທີຄົ້ນຫາສາວງາມຕົວແທນຂອງ ສປປ ລາວ ເພື່ອເຂົ້າຮ່ວມປະກວດນາງງາມໃນເວທີລະດັບສາກົນດັ່ງເວທີ Miss International 2018 ທີ່ປະເທດ ຍີ່ປຸ່ນ ແລະ ມຸງກຸດໄດ້ຕົກເປັນຂອງ ນາງ ປີຍະມາດ ພູນປະເສີດ (ບາບີ້), ສຳລັບຮອງອັນດັບ 1 ໄດ້ແກ່ໝາຍເລກ 9 ນາງ ຢາດຟ້າ ພົມມະວົງໄຊ ແລະ ຮອງອັນດັບ 2 ໄດ້ແກ່ໝາຍເລກ 20 ນາງ ຄຸນນະສິນ ພິມພາ.
ປີຍະມາດ ພູນປະເສີດ (ບາບີ້) ອາຍຸ 24 ປີ ຈົບການສຶກສາມາຈາກມະຫາວິທະຍາໄລແຫ່ງຊາດ ຄະນະ ເສດຖະສາດ ແລະ ບໍລິຫານທຸລະກິດ ສາຂາ ບໍລິຫານທຸລະກິດທົ່ວໄປ.
ສຳລັບລາງວັນຂອງຜູ້ທີ່ໄດ້ເປັນນາງສາວ Miss International Laos 2018 ແມ່ນຈະໄດ້ຮັບ ມຸງກຸດເພັດ ປະດັບດ້ວຍໄຂ່ມຸກສີດໍາ (Black Pearl) ມູນຄ່າ 50 ລ້ານກີບ, ເງິນສົດ 50 ລ້ານກີບ, Gift voucher ມູນຄ່າ 37.500.000 ກີບ, ທຶນຮຽນພາສາເກົາຫຼີ ແລະ ຍີ່ປຸ່ນ ມູນຄ່າ 11.750.000 ກີບ, ກິຟເຊັດຊຸດໃຫຍ່ຈາກເຄື່ອງສຳອາງ MTI, ໂທລະສັບຈາກ VIVO 1 ເຄື່ອງ, ປະກັນໄພສຸຂະພາບ 1 ປີ ທີ່ມີວົງເງິນຄຸ້ມຄອງສູງສຸດ 133.400.000ກີບ.
ຮອງອັນດັບ1:
ຮອງອັນດັບ 2:
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ ແລະ ຮູບປະກອບ: Miss International Laos