ສຳນັກຂ່າວຕ່າງປະເທດລາຍງານຈາກນະຄອນຫຼວງ ຮ່າໂນ້ຍ ປະເທດຫວຽດນາມ ເມື່ອວັນທີ 24 ກັນຍາ 2018 ວ່າ ສະພາແຫ່ງຊາດຂອງຫວຽດນາມ ອອກຖະແຫຼງຂ່າວເມື່ອວັນອາທິດທີ່ຜ່ານມາ ແຕ່ງຕັ້ງທ່ານນາງ ດັ່ງ ຖິ ຫງັອກ ຖິງ ຮອງປະທານປະເທດໃຫ້ປະຕິບັດໜ້າທີ່ຮັກສາການໃນຕຳແໜ່ງປະທານປະເທດ ຂອງຫວຽດນາມຢ່າງເປັນທາງການ ຈົນກວ່າຈະມີມະຕິແຕ່ງຕັ້ງຜູ້ດຳລົງຕຳແໜ່ງປະທານປະເທດຄົນໃໝ່ ໂດຍການປະຊຸມຄັ້ງຕໍ່ໄປຂອງສະພາແຫ່ງຊາດຫວຽດນາມ ຈະມີຂຶ້ນໃນວັນທີ 22 ຕຸລາ 2018 ນີ້.
ທັງນີ້, ຕາມລັດຖະທຳມະນູນຂອງຫວຽດນາມແລ້ວຖືວ່າ ທ່ານນາງ ຖິງ ດຳລົງຕຳແໜ່ງດັ່ງກ່າວຕັ້ງແຕ່ວັນສຸກທີ່ຜ່ານມາ ເຊິ່ງເປັນວັນດຽວກັບປະທານປະເທດ ເຈິ່ນ ດ້າຍ ກວາງ ເຖິງແກ່ມໍລະນະກຳ ໂດຍທ່ານນາງ ຖິງ ໄວອາຍຸ 59 ປີ ສ້າງປະຫວັດສາດເປັນນັກການເມືອງຄົນທຳອິດຂອງຫວຽດນາມທີ່ຂຶ້ນຮັກສາການໃນຕຳແໜ່ງປະທານປະເທດ.
Vietnam’s vice president appointed acting president https://t.co/oURQA23zgl
— VnExpress (@vietnamenglish) September 23, 2018
ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂ່າວ: dailynews.co.th
ຮູບປະກອບ: e.vnexpress.ne