ເພື່ອເປັນການຄຸ້ມຄອງການເຄື່ອນໄຫວ ການບໍລິການບັນເທີງຢູ່ນະຄອນຫຼວງວຽງຈັນ ໃຫ້ມີຄວາມເປັນລະບຽບຮຽບ
ຮ້ອຍ ທັງເປັນການສະກັດກັ້ນ ແລະ ແກ້ໄຂປາກົດການຫຍໍ້ທໍ້ໃຫ້ຫຼຸດລົງເທື່ອລະກ້າວ ທ້າຍອາທິດທີ່ຜ່ານມາ ຢູ່ພະແນກ
ຖະແຫຼງຂ່າວວັດທະນະທຳ ແລະ ທ່ອງທ່ຽວ ນະຄອນຫລວງວຽງຈັນ ຈຶ່ງໄດ້ຈັດກອງປະຊຸມສະຫຼຸບຕີລາຄາຄືນ ການຈັດ
ຕັ້ງປະຕິບັດວຽກງານຄຸ້ມຄອງການເຄື່ອນໄຫວ ກວດກາການບໍລິການບັນເທີງ ປະຈຳເດືອນ 7-8-9 2014 ຂຶ້ນ ໂດຍເປັນ
ປະທານຂອງທ່ານ ນາງ ວັນເພັງ ແກ້ວນະຄອນ ຫົວໜ້າພະແນກ ຖວທ ນວ ມີຫ້ອງການຖະແຫຼງຂ່າວ ວັດທະນະທຳ
ແລະ ທ່ອງທ່ຽວເມືອງ ຜູ້ປະກອບການທຸລະກິດບັນເທີງເຂົ້າຮ່ວມ.
ທ່ານ ພອນຈັນ ແພງພູວັນ ຫົວໜ້າຂະແໜງວັດທະນະທຳ ພະແນກ ຖວທ ນວ ໄດ້ກ່າວວ່າ: ປັດຈຸບັນ ນວ ມີຮ້ານບໍລິ
ການບັນເທີງ 80 ຮ້ານ ເພີ່ມຂຶ້ນ 11 ຮ້ານ ຜ່ານການຈັດຕັ້ງເຄື່ອນໄຫວວຽກງານຕົວຈິງ ຂອງຄະນະກຳມະການກວດກາ
ພະແນກ ຖວທ ນະຄອນຫລວງວຽງຈັນ ເຫັນວ່າຜູ້ປະກອບການທຸລະກິດບັນເທີງ ໄດ້ມີຄວາມຕື່ນຕົວທາງດ້ານການ
ເມືອງ ມີຄວາມຕັດສິນໃຈ ແລະ ເປັນເຈົ້າການໃນການປະຕິບັດຂໍ້ກຳນົດກົດລະບຽບ ມະຕິຄຳສັ່ງຂອງຂັ້ນເທິງຢ່າງເຂັ້ມ
ງວດ ໄດ້ປະກອບສ່ວນພັນທະອາກອນ ເຂົ້າໃນການສ້າງສາພັດທະນາປະເທດຊາດ ຊຸກຍູ້ຊ່ວຍເຫຼືອສັງຄົມ ແລະ ເປັນ
ຕົວແທນໃຫ້ແກ່ພາກລັດ ໃນການໂຄສະນາເຜີຍແຜ່ມູນເຊື້ອວັດທະນະທຳອັນດີງາມຂອງຊາດ ຕໍ່ແຂກຄົນພາຍໃນ
ແລະ ຕ່າງປະເທດໄດ້ເປັນຢ່າງດີ ແຕ່ຄຽງຄູ່ກັບຈຸດດີ ກໍ່ຍັງມີຂໍ້ຄົງຄ້າງ ເປັນຕົ້ນ ການບໍລິການບັນເທີງ ຍັງເປັນສາເຫດ
ໜຶ່ງທີ່ພາໃຫ້ເກີດປາກົດການຫຍໍ້ທໍ້ ສ້າງຄວາມສັບສົນຫຍຸ້ງຍາກໃຫ້ພັກ-ລັດ ແລະ ສ້າງຄວາມບໍ່ເປັນລະບຽບຮຽບຮ້ອຍ
ໃຫ້ແກ່ສັງຄົມ ໂດຍສະເພາະແມ່ນຮ້ານບັນເທີງຈຳນວນໜຶ່ງ ປິດກາຍໂມງ ເປັນບ່ອນມົ້ວສຸມຂອງສາວບໍລິການ ຈອດ
ລົດຊະຊາຍ ແລະ ອື່ນໆ.
ສຳລັບການແກ້ໄຂບັນຫານີ້ ໃນໄລຍະຜ່ານມາ ແມ່ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດ ຕິດຕາມກວດ
ກາຢ່າງໃກ້ຊິດ ແລະ ໃຫ້ຄຳຕຳນິສົ່ງຂ່າວ ເມື່ອເຫັນວ່າມີປາກົດການບໍ່ເໝາະສົມເກີດຂຶ້ນ ພ້ອມທັງໄດ້ໃຊ້ມາດຕະການ
ເດັດຂາດຕາມລະບຽບກົດໝາຍ ຕິດຕັ້ງປ້າຍ 5 ຂໍ້ຫ້າມຕາມສະຖານບັນເທີງໄດ້ 23 ຮ້ານ ຕິດຕາມການປະຕິບັດໂມງ
ເວລາຢ່າງເຂັ້ມງວດ ໃນໄລຍະກອງປະຊຸມ AIPA ຈາກນັ້ນ ເລີ່ມແຕ່ເດືອນຕຸລາ-ທັນວາ 2014 ຂະແໜງວັດທະນະທຳ
ໄດ້ມີແຜນເກັບກຳບັນຊີຫົວໜ່ວຍທຸລະກິດບັນເທີງຢູ່ ນວ ເພື່ອກວດກາຄືນດ້ານມາດຕະຖານເພື່ອ ຈັດລະດັບຂັ້ນ
ແລະ ເປັນບ່ອນອີງໃຫ້ແກ່ການພິຈາລະນາອະນຸມັດໃນປີຕໍ່ໄປ.
ແຫລ່ງຂ່າວ: ວຽງຈັນໃໝ່