ສວນສະໜຸກໃນນະຄອນສົງຊິ່ງ ໄດ້ເປີດທາງຍ່າງສະເພາະສຳລັບຜູ້ຍ່າງແຊັດໂທລະສັບມືຖື ເປັນແຫ່ງທຳອິດຂອງປະເທດ.
ສຳນັກຂ່າວຕ່າງປະເທດລາຍງານ ໃນວັນທີ 16 ກັນຍາ 2014 ນີ້ວ່າ ສວນສະໜຸກ ” ຢາງເຫລິນ ເຈ໋ຍ ” ໃນນະຄອນສົງຊິ່ງ
ທາງພາກຕາເວັນຕົກສຽງໃຕ້ຂອງປະເທດຈີນ ໄດ້ທົດລອງເປີດໃຊ້ງານທາງຍ່າງພິເສດ ສຳລັບຜູ້ທີ່ມັກຍ່າງໄປພ້ອມ ແລະ
ໃຊ້ງານໂທລະສັບມືຖືໄປນຳ ຫລັງຈາກທີ່ການຍ່າງ ແລະ ແຊັດ ໄດ້ກາຍເປັນເລື່ອງປົກກະຕິຫລາຍຂຶ້ນ ໃນເມືອງແຫ່ງນີ້.
ທາງຍ່າງພິເສດເສັ້ນດັ່ງກ່າວນີ້ ມີຄວາມຍາວ 50 ແມັດ ໂດຍມີສັນຍາລັກ ແລະ ຂໍ້ຄວາມຂະໜາດໃຫຍ່ ທັງພາສາຈີນ
ແລະ ພາສາອັງກິດ ໂດຍໄດ້ລະບຸວ່າ ” ໃຊ້ໂທລະສັບມືຖື ຍ່າງເທິງທາງຍ່າງນີ້ ໂດຍຮັບຜິດຊອບໄພທີ່ອາດຕາມມາເອງ ”
ໃນຂະນະທີ່ຢູ່ຂ້າງທາງຍ່າງພິເສດນີ້ ກໍໄດ້ມີທາງຍ່າງປົກກະຕິ ທີ່ຫ້າມບໍ່ໃຫ້ໃຊ້ງານໂທລະສັບມືຖືໃນຂະນະຍ່າງອີກດ້ວຍ.
ນອກຈາກນີ້ ຍັງມີປ້າຍລະບຸອີກວ່າ ” ທາງຍ່າງສຳລັບຜູ້ໃຊ້ງານໂທລະສັບມືຖືແຫ່ງທຳອິດໃນຈີນ ” ໂດຍມີພາບສະແດງ
ວິທີການໃຊ້ທາງຍ່າງດັ່ງກ່າວ ຕິດກຳກັບຢູ່ນຳ.