1. ອາຫານ ຄວນຮັບປະທານອາຫານໃຫ້ຄົບ 5 ໝູ່ໃນສັດສ່ວນທີ່ເໝາະສົມ ແລະ ຫລາກຫລາຍ ເພື່ອໃຫ້ຮ່າງກາຍໄດ້ຮັບສານອາຫານຕ່າງໆຢ່າງພຽງພໍ ເນັ້ນອາຫານທີ່ມີ ແຄຊຽມ ສູງ ເຊັ່ນ ນົມ ເຕົ້າຮູ້ ປານ້ອຍ ປານ້ອຍທີ່ຮັບປະທານພ້ອມກ້າງ ຜັກໃບຂຽວ ທັນຍະພືດ ງາດຳ ເນັ້ນການຮັບປະທານອາຫານທີ່ເປັນໄຂມັນດີ ເຊັ່ນ ປາທະເລ ຖົ່ວຕ່າງໆ
2. ອອກກຳລັງກາຍຢ່າງສະໝໍ່າສະເໝີ ເຊັ່ນ ການຍ່າງ ຫລື ແລ່ນ ການຫລິ້ນໂຍຄະ
3. ເບິ່ງແຍງນ້ຳໜັກໂຕບໍ່ໃຫ້ຕຸ້ຍ ເພື່ອຫລຸດພາວະແຊກຊ້ອນຕ່າງໆເຊັ່ນ ເບົາຫວານ ໄຂມັນໃນເລືອດສູງ ຄວາມດັນເລືອດສູງ ແລະພະຍາດເຂົ່າເສື່ອມ ເປັນຕົ້ນ
4. ເຮັດຈິດໃຈໃຫ້ແຈ່ມໃສ ໂດຍການເຝິກ ຄິດບວກ ສວດມົນ ນັ່ງສະມາທິ
5. ກວດສຸຂະພາບຢ່າງສະໝໍ່າສະເໝີ ຢ່າງນ້ອຍປີລະ 1 ເທື່ອ ກວດເຊັກຄວາມດັນເລືອດ ກວດເລືອດຫາລະດັບໄຂມັນ ກວດພາຍໃນເຊັກມະເຮັງປາກມົດລູກ ກວດຫາມະເຮັງເຕົ້ານົມ (Mammography) ແລະ ກວດຫາຄວາມຫນາແຫນ້ນຂອງກະດູກ (Bone mineral density) ແລະ ການກວດສຸຂະພາບອື່ນໆ
ນອກຈາກນີ້ ປະຈຸບັນນີ້ກໍມີວິຕາມິນ ແລະ ອາຫານເສີມ ໃຫ້ເລືອກຫລາກຫລາຍ ແຕ່ທັງນີ້ກໍຕ້ອງເລືອກໃຫ້ເໝາະສົມກັບຮ່າງກາຍນໍາ ໂດຍແນະນຳໃຫ້ປຶກສາແພດກ່ອນຮັບປະທານເພື່ອກວດກ່ອນວ່າມີໂອກາດສ່ຽງທີ່ຈະ ເກີດພະຍາດຫລືບໍ່ ໂດຍເບິ່ງຜົນຈາກການກວດສຸຂະພາບ ການປະຕິບັດໂຕ ແລະປະຫວັດໃນຄອບຄົວຮ່ວມນໍາ ດັ່ງຕໍ່ໄປນີ້
1. Soy isoflavone ສານສະກັດ ໃນກຸ່ມ flavanoids ເຊິ່ງສະກັດອອກມາຈາກຖົ່ວເຫລືອງ ເປັນສານສະກັດຈາກພືດທີ່ອອກລິດຄືຮໍໂມນ ເອດໂຕເຈນແຕ່ມີລິດທີ່ອ່ອນກວ່າ ອາດຈະຈະຊ່ວຍຫລຸດອາການຮ້ອນວູບວາບຕາມໂຕ ຫງຸດຫງິດງ່າຍ ປ້ອງກັນບໍ່ໃຫ້ຜິວພັນຫ່ຽວຍານ ຫລື ແຫ້ງເກີນໄປ ໂດຍບໍ່ເພີ່ມຄວາມສ່ຽງຂອງການເປັນມະເຮັງເຕົ້ານົມ ຫລື ເສັ້ນເລືອດອຸດຕັນ
2. Black Cohosh ເປັນສະໝຸນໄພເຊິ່ງຊ່ວຍໃນເລື່ອງການຫລຸດອາການເຈັບຫົວເລື້ອຍໆ ໃຈສັ່ນ ນອນບໍ່ຫລັບ ຮ້ອນວູບວາບ ເຫື່ອອອກ ແລະ ອາລົມແປປ່ວນໄດ້
3. Calcium ຖືວ່າເປັນແຮ່ທາດສຳຄັນໃນແມ່ຍິງ ໄວໝົດປະຈຳເດືອນ ມີຫນ້າທີ່ການສ້າງຄວາມແຂງແຮງໃຫ້ກະດູກ ໂດຍໃນອາຫານທີ່ເຮົາກິນໃນແຕ່ລະມື້ອາດຈະຍັງມີປະລິມານ ແຄຊ່ຽມ ທີ່ບໍ່ພຽງພໍ ແລະ ຮ່າງກາຍເຮົາອາດຈະບໍ່ສາມາດດູດຊຶມໄດ້ເຕັມທີ່
4. Vitamin D ພົບເລື້ອຍໆໃນການນຳມາໃຊ້ປ້ອງກັນພະຍາດກະດູກບາງ ຮ່ວມກັບແຄຊຽມ ນອກຈາກນັ້ນຍັງຊ່ວຍເລື່ອງ ຫລຸດຄວາມສ່ຽງຂອງການເກີດພະຍາດ ຄື ພະຍາດຫົວໃຈ ພະຍາດມະເຮັງ ພະຍາດກະດູກ ແລະ ພະຍາດພູມແພ້ຕົນເອງ ໃນປະຈຸບັນເຮົາພົບວ່າ ຄົນຂາດວິຕາມິນດີ ເປັນຈຳນວນຫລາຍ ເນື່ອງຈາກບໍ່ຄ່ອຍໄດ້ຮັບແດດ ແລະ ການໃຊ້ຄີມກັນແດດ ຈຶ່ງຄວນກວດເບິ່ງລະດັບ ວິຕາມິນດີ ແລະ ກິນວິຕາມິນດີທົດແທນໃນກໍລະນີທີ່ມີການຂາດວິຕາມິນດີແທ້
5. Anti-oxidant ວິຕາມິນໃນກຸ່ມນີ້ ໄດ້ແກ່ ວິຕາມິນເອ ວິຕາມິນຊີ ວິຕາມິນອີ ສານກຸ່ມແຄໂລທີນ ໄລໂຄພີນ ໂຄເອນໄຊຄິວເທັນ ສານສະກັດເມັດໝາກລາແຊັງ ສານສະກັດເປືອກສົນຝຣັ່ງ ແອດຕ້າແຊນທິນ ແລະ ເລດເວີລາທອດ ເປັນສານກຸ່ມຕ້ານອານຸມູນອິດສະຫລະ ທີ່ມີສ່ວນຊ່ວຍໃນການປ້ອງກັນການເກີດພະຍາດທັງພະຍາດຫລອດເລືອດອຸດຕັນຫົວໃຈ ແລະ ສະຫມອງ ຫລຸດການສ້າງສານ ເບຕ້າອາໄມລອຍ ໃນສະຫມອງ ທີ່ເປັນຕົ້ນເຫດຂອງພະຍາດຄວາມຈຳເສື່ອມ ຫລຸດການທຳລາຍຂອງຄໍລາເຈນທີ່ຜິວພັນ ເສີມພູມຕ້ານທານ ຫລຸດໂອກາດການເກີດພະຍາດມະເຮັງ