ລາຍງານຈາກ ເຈົ້າໜ້າທີ່ໃຫ້ຮູ້ວ່າ ໃນຕອນເຊົ້າ ວັນທີ 12 ສິງຫາ 2018 ເກີດເຫດ ຄາຕະກຳນັກທຸລະກິດ ສັນຊາດ ຈີນ ທີ່ເຮືອນຂອງຜູ້ກ່ຽວເອງ.
ຜູ້ເສຍຊີວິດ ແມ່ນຖືກອາວຸດແທງທີ່ດ້ານຫຼັງ ແລະ ຫົວ, ເຊິ່ງໄດ້ຖືກນໍາໄປໂຮງໝໍ ແຕ່ບໍ່ສາມາດຊ່ວຍຊີວິດໄດ້.
ຈາກພາບກ້ອງວົງຈອນປິດ ໃນເຊົ້າວັນດັ່ງກ່າວ ແມ່ນມີຊາຍສອງຄົນ ທີ່ຂີ່ລົດໃຫຍ່ ມາເຂດເຮືອນຂອງຜູ້ຕາຍ ເຊິ່ງເຈົ້າໜ້າທີ່ຄາດວ່າ ເປັນຜູ້ຕ້ອງສົງໄສ ລົງມືຄາຕະກຳ ແລະ ປຸ້ນເອົາຊັບສິນຂອງຜູ້ຕາຍໄປໝົດ.
ຜູ້ເສຍຊີວິດ ແມ່ນນັກທຸລະກິດ ສັນຊາດຈີນ ມີຊື່ວ່າ ທ້າວ ໄຊຊະນະ ຫຍົດສະຫວັນ ທີ່ເຮັດທຸລະກິດ ຢູ່ລາວມາໄດ້ຫຼາຍປີ ແລະ ທີ່ຮູ້ຈັກກັນດີ ກໍ່ແມ່ນ ເທັກ ຕີ້ຮ່າວ ແລະ ທຸລະກິດ ອື່ນໆ.
ປັດຈຸບັນທາງເຈົ້າໜ້າທີ່ເລັ່ງຕາມຫາຄາຕະກອນ ມາລົງໂທດຕາມກົດໝາຍຂອງບ້ານເມືອງ.