ເມື່ອວັນທີ 25 ກໍລະກົດ 2018 ຜູ້ສື່ຂ່າວລາຍງານວ່າ ເຈົ້າໜ້າທີ່ທາງາການມຽນມາ ລັດກະຫລ່ຽງ ປະເທດມຽນມາ ກ່າວວ່າ ນ້ຳໄດ້ຖ້ວມເມືອງຜາອ່າງ ຫຼັງຈາກນັ້ນໄດ້ເກີດນ້ຳປ່າໄຫລຫຼາກ ແລະ ແມ່ນ້ຳສາລະວິນ ລົ້ນໄຫລເຂົ້າມາຖ້ວມບ້ານເຮືອນ ແລະ ມີພື້ນເກີດນ້ຳຖ້ວມໜັກ ທາງເຈົ້າໜ້າທີ່ໄດ້ອົບພະຍົບປະຊາຊົນ ປະມານ 5,000ຄົນ ໄປໄວ້ທີ່ສູນຊ່ວຍເລືອຜູ້ປະສົບໄພນ້ຳຖ້ວມທັງໝົດ 10 ແຫ່ງ ແລະ ມີຊາວບ້ານບາງສ່ວນຕ້ອງອາໃສຢູ່ທີ່ສູງ ເຈົ້າໜ້າທີ່ກູ້ໄພມຽນມາໄດ້ເຂົ້າໄປຊ່ວຍເຫຼືອຊາວບ້ານ ແລະ ສັດລ້ຽງໝົດມື້
ໂດຍມີລາຍງານວ່າ ທ່ານ ນາງ ອອງຊານ ຊູຈີ ທີ່ປຶກສາແຫ່ງລັດຖະບານມຽນມາ ຕ້ອງຢຸດການເດີນທາງໄປເມືອງຜາອ່າງກະທັນຫັນ ຫຼັງຈາກຮູ້ວວ່າ ເກີດນ້ຳຖ້ວມ ເຊິ່ງຈາກເດີມມີກຳນົດການເດີນທາງໄປໃນວັນທີ 26 ກໍລະກົດ 2018