ມື້ວານນີ້ 29 ກໍລະກົດ 2018 ບໍລິສັດນ້ຳງື່ມ5 ອອກແຈ້ງການເຖິງເຈົ້າເມືອງພູກູດແລະເມືອງພູຄູນ ແຂວງຊຽງຂວາງ ເລື່ອງຈະເລິ່ມປ່ອຍນໍ້າອອກຈາກເຂື່ອນ ເຊິ່ງມີເນື້ອໃນວ່າ ເນື່ອງຈາກລະດັບນ້ຳໃນອ່າງເກັບສູງຂຶ້ນເລື້ອຍໆ ດັ່ງນັ້ນ ເພື່ອຮັບປະກັນບໍ່ໃຫ້ນ້ຳໃນອ່າງລົ້ນສັນເຂື່ອນໃນຊ່ວງລະດູຝົນນີ້ ບໍລິສັດນ້ຳງື່ມ5 ແມ່ນມີຄວາມຈຳເປັນຕ້ອງປ່ອຍນ້ຳທີ່ມີຢູ່ໃນອ່າງອອກກ່ອນ ແນໃສ່ຮອງຮັບປະລິມານນ້ຳທີ່ຈະໄຫຼເຂົ້າອ່າງໃນຕະຫຼອດລະດູຝົນນີ້. ໂດຍບໍລິສັດມີແຜນຈະປ່ອຍນ້ຳອອກຈາກອ່າງນັບແຕ່ວັນທີ 30 ກໍລະກົດຫາວັນທີ 25 ຕຸລາ 2018 ໃນປະລິມານທີ່ຈະປ່ອຍແມ່ນ 65-3.333 ແມັດກ້ອນຕໍ່ວິນາທີ.

ສະນັ້ນເພື່ອປ້ອງກັນບໍ່ໃຫ້ເກີດອຸປະຕິເຫດ ຈິ່ງຂໍໃຫ້ພໍ່ແມ່ປະຊາຊົນທີ່ອາໄສຢູ່ບໍລິເວນໃກ້ຄຽງ ເຂດການກໍ່ສ້າງໂຄງການ ໂດຍສະເພາະບ້ານນ້ຳຕິ່ງ, ບ້ານຊຽງແດດ ທີ່ຕັ້ງຢູ່ລຸ່ມເຂື່ອນເຂື່ອນໄຟຟ້ານ້ຳງື່ມ 5ໃຫ້ເອົາໃຈໃສ່ດັ່ງນີ້໊:
– ໃຫ້ການຝຶກອົບຮົມແກ່ເດັກນ້ອຍກ່ຽວກັບອັນຕະລາຍທີ່ຈະເກີດຂຶ້ນ
– ປ້ອງກັນບໍ່ໃຫ້ເດັກນ້ອຍໄປຫຼິ້ນຢູ່ໃກ້ແຄມນ້ຳ
– ຍົກຍ້າຍຊັບສິນທີ່ຢູ່ໃກ້ແຄມນ້ຳໄປເກັບໄວ້ບ່ອນທີ່ປອດໄພ
– ປະຊາຊົນທີ່ເຮັດວຽກ ແລະເດີນທາງຕາມແຄມນ້ຳຕ້ອງເອົາໃຈໃສ່ໝັ່ນສັງເກດລະດັບນ້ຳທີ່ມີການປ່ຽນແປງໃນບາງຄັ້ງຄາວ