ຕຳຫລວດໄດ້ຄວບຄຸມໂຕຊາວອາເມຣິກັນລາຍໜຶ່ງ ທີ່ຕ້ອງສົງໄສວ່າ ໄດ້ລົງມືຂ້າລູກຕົນເອງທັງ 5 ຄົນ ແລ້ວນຳສົບ
ໃສ່ຖົງຂີ້ເຫຍື້ອໄປຝັງໄວ້ຂ້າງຖະໜົນ.
ສື່ຂອງຕ່າງປະເທດລາຍງານ ໃນວັນທີ 10 ກັນຍາ 2014 ຜ່ານມານີ້ວ່າ ຕຳຫລວດໄດ້ຄວບຄຸມໂຕທ້າວ ທິໂມທີ ໂຈນສ໌
ຢູ່ທີ່ຈຸດກວດກາແຫ່ງໜຶ່ງໃນລັດມິດຊິສຊິບປີ້ ຫລັງຈາກທີ່ເຈົ້າໜ້າທີ່ຕຳຫລວດໄດ້ພົບວ່າ ເຂົາຂັບລົດໃນຂະນະທີ່ກຳ
ລັງເມົາຢາ ແລະ ພາຍຫລັງສອບສວນເບິ່ງປະຫວັດຂອງຜູ້ກ່ຽວກໍພົບວ່າ ທ້າວ ໂຈນສ໌ ໄດ້ຖືກເມຍຂອງຕົນເອງແຈ້ງ
ຄວາມໄວ້ກັບຕຳຫລວດວ່າ ເຂົາ ແລະ ລູກໆອີກ 5 ຄົນໄດ້ຫາຍໂຕໄປ ນັບຕັ້ງແຕ່ວັນທີ 3 ກັນຍາ 2014 ທີ່ຜ່ານມາ ແລະ
ຫລັງຈາກນັ້ນເຂົາເອງກໍໄດ້ສາລະພາບວ່າ ໄດ້ຂ້າລູກຂອງຕົນເອງທັງ 5 ຄົນ ໂດຍທ້າວ ໂຈນສ໌ ໄດ້ພາຕຳຫລວດໄປຫາ
ບ່ອນທີ່ເຂົາໄດ້ຝັງສົບຂອງລູກໄວ້ ໃນເຂດພື້ນທີ່ຂອງລັດອະລາບາມາ.
ທ່ານ ລາຊີ ຄຣຳຕັນ ເຈົາໜ້າທີ່ຕຳຫລວດຂອງລັດມິດຊິສຊິບປີໄດ້ລະບຸວ່າ ສົບຂອງເດັກນ້ອຍແມ່ນເນົ່າເປື່ອຍຢູ່ໃນ
ຖົງຂີ້ເຫຍື້ອ ໂດຍໃນເບື້ອງຕົ້ນແມ່ນຍັງບໍ່ທັນຮູ້ສາເຫດຂອງການເສຍຊີວິດເທື່ອ.