ຂ່າວຈາກປະເທດໄທ ເຮັດໃຫ້ຄົນລາວຊາບຊຶ້ງໃນນໍ້າໃຈ ໜ່ວຍກຸ້ໄພທຸກອຳເພີພ້ອມທຸກນາທີທີ່ຈະເຂົ້າມາໃຫ້ຄວາມຊ່ວຍເຫຼືອປະຊາຊົນລາວ ທີ່ປະສົບໄພນໍ້າຖ້ວມ ຈຶ່ງຂໍໃຫ້ພາກສ່ວນທີ່ກ່ຽວຂ້ອງກັບດ່ານຊາຍແດນ ຊ່ວຍອຳນວຍຄວາມສະດວກໃຫ້ຫຼາຍທີ່ສຸດ. ໃນຂະນະທີ່ການລະດົມເຄື່ອງບັນເທົາທຸກແລະເງິນຊ່ວຍເຫຼືອ ຖືກຈັດຕັ້ງຂຶ້ນເກືອບທຸກອຳເພີຂອງໄທ ໂດຍສະເພາະໃນພາກອີສານ. ໃນຂະນະທີ່ໂທລະທັດຂອງທາງການທຸກຊ່ອງຂອງໄທ ໄດ້ເປີດປະກາດເລກບັນຊີທະນາຄານເພື່ອຊ່ວຍເຫຼືອລາວ.
ຄົນລາວຮູ້ສຶກຊາບຊຶ້ງໃຈ ກັບນໍ້າໃຈແຫ່ງມິດຕະພາບແລະຄວາມສາມັກຄີແບບພີ່ນ້ອງຮ່ວມສາຍເລືອດ ທຸກຄັ້ງທີ່ປະຊາຊົນລາວປະສົບໄພພິບັດ ປະຊາຊົນໄທຈະໃຫ້ຄວາມຊ່ວຍເຫຼືອຢ່າງທັນທ່ວງທີ. ຈຶ່ງຂໍຂອບໃຈມາໃນໂອກາດນີ້ຢ່າງສຸດຊຶ້ງ ໄປຍັງອຳນາດການປົກຄອງຂອງໄທແລະປະຊາຊົນໄທທຸກທ່ານມາໃນທີ່ນີ້ດ້ວຍ.