1. ກິນເຂົ້າໜົມປະສົມນ້ຳຕານຫລາຍເກີນໄປ
ການກິນເຂົ້າໜົມທີ່ປະສົມນ້ຳຕານ ຈຳນວນຫລາຍຈະເຮັດໃຫ້ຕຸ້ຍ ແລະ ນ້ຳໜັກ ທີ່ເພີ່ມຂຶ້ນຈະເຮັດໃຫ້ຮ່າງກາຍຂອງສາວໆຕໍ່ຕ້ານ ຮໍໂມນ ອິນຊູລິນ (ຮໍໂມນທີ່ຄວບຄຸມລະດັບນ້ຳຕານໃນເລືອດ)
2. ຄຽດໃນຕອນເດິກ
ລະດັບ ຮໍໂມນ ຄໍຕິຊອນ ຈະຫລຸດລົງໃນຕອນກາງຄືນ ເຊິ່ງຮໍໂມນນີ້ ຈະຊ່ວຍໃຫ້ສາວໆຫລັບສະບາຍ ແຕ່ຖ້າສາວໆມີຄວາມເຄັ່ງຄຽດຕອນເດິກເລື້ອຍໆ ຈະເຮັດໃຫ້ລະດັບ ຮໍໂມນ ຄໍຕິຊອນ ຂຶ້ນໆລົງໆ
3. ບໍ່ຍອມນອນ ນອນບໍ່ຫລັບໃນຕອນກາງຄືນ
ເມື່ອອົດຫລັບອົດນອນຈະເຮັດໃຫ້ລະດັບ ຄໍຕິຊອນ ເພີ່ມຂຶ້ນ ແລະ ທໍາຮ້າຍລະບົບນ້ຳຕານໃນເລືອດ ເຊິ່ງ ສິ່ງເຫລົ່ານີ້ ຈະເຮັດໃຫ້ຮູ້ສຶກຫິວ ແລະ ຢາກກິນອາຫານ ເຊິ່ງເຮັດໃຫ້ຕຸ້ຍຂຶ້ນໄດ້ງ່າຍ
4. ກິນກາເຟຕອນສວາຍໆ
ການກິນກາເຟຕອນບ່າຍສວາຍໆ ຈະສົ່ງຜົນໃຫ້ ບໍ່ຢາກນອນ ແລະ ກະວົນກະວາຍ ໃນຕອນກາງຄືນຄວນດືມກາເຟໃນໄລຍະຕອນເຊົ້າ ຫລື ກ່ອນຕອນ 3ໂມງສວາຍເທົ່ານັ້ນ
5. ອອກກຳລັງກາຍບໍ່ຕໍ່ເນື່ອງ
ຮໍໂມນ ເອນໂດນຟິນ ຫລື ຮໍໂມນ ແຫ່ງຄວາມສຸກ ຈະຫລັ່ງອອກ ເມື່ອອອກກຳລັງກາຍ ຖ້າຫາກເປັນຄົນມັກອອກກຳລັງກາຍຢ່າງສະໝໍ່າສະເໝີ ຮໍໂມນນີ້ ຈະເຮັດໃຫ້ສາວໆ ມີຄວາມຄຶກຄັກ ແລະ ພ້ອມຈະເຮັດສິ່ງຕ່າງໆໃນຊີວິດປະຈຳວັນໄດ້ຢ່າງສະໝ່ຳ ສະເໝີ
6. ໃຊ້ຄວາມສຸກໄລຍະກ່ອນມີປະຈຳເດືອນ ດ້ວຍຂອງຫວານ
ຖ້າກິນຂອງຫວານ ຫລື ນ້ຳຕານຫລາຍໆ ຈະສົ່ງຜົນກັບໄລຍະກ່ອນມີປະຈຳເດືອນ ເຮັດໃຫ້ສາວໆກາຍເປັນຄົນອາລົມຮ້ອນຫລາຍຍິ່ງຂຶ້ນ ຢາກກິນຕ້ອງໄດ້ກິນ ທາງທີ່ດີ ຄວນຫາວິທີອື່ນໃນການໃຊ້້ເວລາຄວາມສຸກໃຫ້ກັບຕົນເອງ ເຊັ່ນໄປທ່ຽວ ໄປອອກກຳລັງກາຍ ພົບປະໝູ່ເພື່ອນ ຫລື ເຮັດຫຍັງທີ່ຜ່ອນຄາຍ ແທນດີກວ່າ