ລັດຖະບານການາດາ ປະກາດໂຕ້ຕອບສະຫະລັດທາງການຄ້າ ໂດຍຕັ້ງພາສີກັບສິນຄ້ານຳເຂົ້າຈາກສະຫະລັດມູນຄ່າ 1.26 ໝື່ນລ້ານໂດລາສະຫະລັດ ເລີ່ມມີຜົນບັງຄັບໃຊ້ໃນວັນທີ 1 ກໍລະກົດ 2018ນີ້ ຫຼັງສະຫະລັດເກັບພາສີເຊຟກາຣ໌ດ ກັບ ເຫຼັກ ແລະ ອະລູມິນຽມນຳເຂົ້າທີ່ອັດຕາ 25% ແລະ 10% ກ່ອນໜ້ານີ້

ການາດາລະບຸວ່າ ພາສີດັ່ງກ່າວຄວບຄຸມສິນຄ້າປະມານ 250 ລາຍການ ໂດຍການາດາຈະເກັບພາສີ 25% ກັບສິນຄ້າປະເພດເຫຼັກ ແລະ ອີກ 10% ກັບອະລູມິນຽມ ຮວມເຖິງສິນຄ້າປະເພດອາຫານເຊັ່ນ: ໂຢເກິດ, ໝາກໄມ້ສຳເລັດຮູບ ແລະ ວິສກີ້ ກັບສິນຄ້າອຸປະໂພກອື່ນໝ ເຊັ່ນ: ພາສີເຈ້ຍອະນາໄມ, ຖົງນອນ ແລະ ບິກ

“ນີ້ເປັນມາດຕະການຕອບກັບທີ່ສົມນ້ຳສົມເນື້ອ ຕອບໂຕ້ກັບໂດລາຕໍ່ໂດລາ ເຮົາບໍ່ຈຳເປັນເພີ່ມຄວາມກົດດັນ” ແຕ່ກໍ່ບໍ່ຖອຍກັບຄືກັນ ລັດຖະມົນຕີກະຊວງການຕ່າງປະເທດການາດາກ່າວພ້ອມເສີມວ່າ ການາດາບໍ່ມີທາງເລືອກອື່ນ ແລະ ກຳລັງຫາລືປະເດັນດັ່ງກ່າວຢ່າງໃຫ້ຊິດຮ່ວມກັບສະຫະພາບຢຸໂຣບ (ອີຢູ) ແລະ ເມັກຊິໂກ