ມາຕໍ່ກັນກັບຄູ່ທີສອງທີ່ຈະລົງສະໜາມຄືນນີ້ ກັບການວິເຄາະບານຄູ່ “ໂປແລນ ພົບ ເຊເນກັລ” ທີ່ຈະລົງສະໜາມຟາດແຂ່ງກັນໃນຄືນນີ້ (19 ມິຖຸນາ 2018) ມາຝາກ ທີມໃດຈະເປັນຕໍ່ໃນເກມການແຂ່ງຂັນເຮົາມາອ່ານລາຍລະອຽດພ້ອມກັນເລີຍ

ເລີ່ມຄູ່ທຳອິດ “ໂປແລນ ພົບ ເຊເນກັລ” ເວລາ 22:00 ໂມງ

ທັກສະໃນເກມ

ໂປແລນເຮັດຜົນງານໃນຊ່ວງທີ່ຜ່ານມາໄດ້ໂດດເດັ່ນ ໂດຍສະເພາະການແຂ່ງຂັນບານໂລກຮອບຄັດເລືອກ ເຊິ່ງເອົາຊະນະໄດ້ເຖິງ 9 ເກມຈາກ 10 ເກມຫຼັງສຸດ ໃນຂະນະທີ່ 10 ເກມຫຼັງສຸດຂອງເຊເນກັລ ກໍ່ເອົາຊະນະໄດ້ພຽງ 4 ເກມ ສະເໝີ 5 ເກມ ແລະ ເສຍ 1 ເກມ ແຕ່ເມື່ອເບິ່ງລາຍຊື່ຂອງນັກເຕະແລ້ວ ທາງໂປແລນຈະມີນັກເຕະແຂງໆຫຼາຍຄົນ ໂດຍສະເພາະ ໂຣເບິຣດ ເລວານດອຟສກີ້ ນັກເຕະໜຶ່ງໃນກອງໜ້າທີ່ດີທີ່ສຸດໃນໂລກ ແຕ່ທາງເຊເນກັລມີພຽງ ຊາດິໂອ ມາເນ່ ທີ່ເປີດບານດີເທົ່ານັ້ນ ສະນັ້ນຜົນການວິເຄາະຈິ່ງອອກມາວ່າ ໂປແລນ ແມ່ນມີໂອກາດເກັບໄຊຊະນະໄດ້ຫຼາຍກວ່າ

ຜົນວິເຄາະ : ຕໍ່ໂປແລນ

ປະຕູທີ່ຄາດ : 1-0