ເກມນັດເປີດສະໜາມ ເສິກບານໂລກ 2018 ທີ່ສະໜາມ ລຸຊນິກິ ສະເຕດ້ຽມ ນະຄອນຫຼວງ ມອສໂກ ເຈົ້າພາບ ຣັດເຊຍ ສ້າງຜົນງານໄດ້ສຸດຍອດດ້ວຍການຖະລົ່ມ “ເສດຖີນ້ຳມັນ” ຊາອຸດິອາຣະເບຍ ໄປເຖິງ 5-0 ເກັບສາມແຕ້ມໄວ້ຮອງທ້ອງ เกมนัดเปิดสนาม
ເລີ່ມເກມໄດ້ພຽງ 12 ນາທີ ເປັນທາງຣັດເຊຍໄດ້ປະຕູນຳ 1-0 ບວກກັບປະຕູທີ 2 ໃນນາທີທີ່ 42 ກ່ອນຈົບເຄິ່ງເວລາທຳອິດ ເຊິ່ງເຮັດໃຫ້ ຣັດເຊຍ ນຳ ຊາອຸດິອາຣະເບຍ 2-0
ເຂົ້າສູ່ເຄິ່ງຫຼັງ ຣັດເຊຍຍັງເປັນຝ່າຍຄອງບານເຮັດເກມບຸກໄດ້ຫຼາຍກວ່າ ໃນຂະນະທີ່ ຊາອຸດິອາຣະເບຍ ພະຍາຍາມຕັ້ງເກມສູ້ ແຕ່ກໍ່ບໍ່ຕໍ່ເນື່ອງ ແລະ ເປັນເຈົ້າຖິ່ນທີ່ເຮັດປະຕູໜີຫ່າງອອກໄປອີກເປັນ 3-0 ໃນນາທີທີ່ 72 ຈາກການໂມ່ງຂອງ ອາຣ໌ ເຕັມ ຊູບາ ກ່ອນທີ່ ເດນິສ ເຊຣີເຢຟ ຈະມາຍິງເພີ່ມອີກ ເປັນ 4-0 ສຸດທ້າຍໃນຊ່ວງທົດເວລາບາດເຈັບ ອາເລັກຊານເດີ ໂກໂລວິນ ມາຍິງຊ້ຳເຂົ້າໄປ ສົ່ງຜົນໃຫ້ຈົບເກມ ຣັດເຊຍ ຊະນະ ຊາອຸດິອາຣະເບຍ ໄປເຖິງ 5-0 ສົ່ງຜົນໃຫ້ຕອນນີ້ຣັດເຊຍຂຶ້ນນຳເປັນຫົວໜ້າຂອງກຸ່ມເອ