ວັນທີ 6 ກັນຍາ 2014 ຜ່ານມານີ້ ຫ້ອງການສາທາລະນະສຸກ ເມືອງໄຊເຊດຖາ ນະຄອນຫຼວງວຽງຈັນ ໄດ້ສົມທັບກັບບ້ານ
ວັງຊາຍ ເປີດຂະບວນການໂຄສະນາສຸຂະສຶກສາ ຕ້ານພະຍາດໄຂ້ຍຸງລາຍ ແລະ ພະຍາດລະດູການຕ່າງໆປະຈຳປີ 2014 ຂຶ້ນ
ທີ່ບ້ານວັງຊາຍ ເຊິ່ງມີທ່ານ ຄັນທະລາດ ພິລາພັນເດດ ຫົວໜ້າຫ້ອງການສາທາລະນະສຸກເມືອງໄຊເຊດຖາ ແລະ ທ່ານ
ນາງ ອຸທຸມພອນ ພັນສະຫວັນ ນາຍບ້ານວັງຊາຍ ພະນັກງານວິຊາການອຳນາດການປົກຄອງບ້ານ ແລະ ປະຊາຊົນພາຍ
ໃນບ້ານດັ່ງກ່າວ ເຂົ້າຮ່ວມເກືອບ 100 ຄົນ.
ທ່ານ ຄັນທະລາດ ພິລາພັນເດດ ໄດ້ກ່າວວ່າ: ການເປີດຂະບວນການນີ້ ເປັນການປູກຈິດສຳນຶກໃຫ້ປະຊາຊົນມີສ່ວນຮ່ວມ
ໃນການຕ້ານພະຍາດໄຂ້ຍຸງລາຍຫຼາຍຂຶ້ນ ເນື່ອງຈາກການລະບາດຂອງພະຍາດໄຂ້ຍຸງລາຍໃນປີຜ່ານມາ ໄດ້ສົ່ງຜົນກະທົບ
ຢ່າງໃຫຍ່ຫຼວງຕໍ່ຊັບສິນ ແລະ ຊີວິດຂອງປະຊາຊົນຄືປີຜ່ານມາ ພາຍໃນເມືອງມີຜູ້ເສຍຊີວິດຈາກພະຍາດດັ່ງກ່າວມີເຖິງ 4
ກໍລະນີ ແລະ ໃນປີນີ້ ທາງຫ້ອງການສາທາລະນະສຸກເມືອງ ໄດ້ຖືເອົາການຄວບຄຸມ ແລະ ປ້ອງກັນເປັນບັນຫາສຳຄັນ ໂດຍ
ໄດ້ສ້າງກິດຈະກຳຮ່ວມກັນໃນຫຼາຍດ້ານຄື: ສ້າງຂະບວນການເປີດໂຄສະນາສຸຂະສຶກສາປຸກລະດົມພໍ່ແມ່ປະຊາຊົນ ໃຫ້ເຂົ້າ
ຮ່ວມຂະບວນການເປັນວົງກວ້າງ ໄດ້ມີການຕິດຕາມເຝົ້າລະວັງພະຍາດໄຂ້ຍຸງລາຍເປັນປະຈຳ ຖ້າພົບກໍລະນີລາຍງານ
ເພື່ອໃຫ້ພະນັກງານວິຊາການລົງໄປກວດກາ ແລະ ປຸກລະດົມສ້າງຂະບວນການ ໂດຍແນໃສ່ປະຕິບັດນະໂຍບາຍ 5 ປ.
ແຫຼ່ງຂ່າວ: ວຽງຈັນໃໝ່