ສຳນັກຂ່າວຕ່າງປະເທດລາຍງານຈາກປະເທດ ສິງກະໂປ ເມື່ອວັນທີ 12 ມິຖຸນາ 2018ວ່າ ປະທານາທິບໍດີ ໂດນັລ ທຣັມ ແລະ ທ່ານ ຄິມ ຈອງ ອຶນ ຜູ້ນຳສູງສຸດເກົາຫຼີເໜືອ ປະຊຸມຮ່ວມກັນໃນລະດັບພາຄີ ທີ່ໂຮງແຮມ ຄາເປລລາ ທີ່ເກາະເຊນໂຕຊາ ເມື່ອເວລາ 8:00 ນາທີຕາມເວລາບ້ານເຮົາ ນີ້ຖືເປັນຄັ້ງປະຫວັດສາດທີ່ຜູ້ນຳທັງສອງປະເທດພົບປະຫາລືກັນຢ່າງເປັນທາງການ
ທ່ານ ໂດນັລ ທຣັມກ່າວໃນລະຫວ່າງການໃຫ້ສື່ມວນຊົນບັນທຶກພາບວ່າເຂົາຄາດຫວັງ “ຄວາມສຳພັນອັນດີເລີດ” ກັບເກົາຫຼີເໜືອ ສ່ວນທ່ານ ຄິມ ຈອງ ອຶນ ກ່າວວ່າການທີ່ມີການປະຊຸມຄັ້ງນີ້ເກີດຂຶ້ນໄດ້ ເປັນຜົນຈາກການທີ່ທັງສອງປະເທດ “ກ້າວຂ້າມຜ່ານອຸປະສັກໃນອະດີດ”
ຂະນະທີ່ກ່ອນການພົບປະຫາລືຈະເລີ່ມຂຶ້ນ ທຣັມ ກ່າວວ່າເຂົາສາມາດ “ຮັບຮູ້ໄດ້ຕັ້ງແຕ່ນາທີທຳອິດ” ວ່າການເຈລະຈາໃນເທື່ອນີ້ສົມຄວນເດີນໜ້າຕໍ່ໄປ ແລະ ມີີຄວາມເປັນໄປໄດ້ທີ່ສະຫະລັດ ແລະ ເກົາຫຼີເໜືອຈະບັນລຸຂໍ້ຕົກລົງຮ່ວມກັນ ຫຼື ບໍ່? ດ້ານສຳນັກຂ່າວກາງເກົາຫຼີເໜືອ ລາຍງານເມື່ອວັນຈັນວ່າການໂອ້ລົມກັບຜູ້ນຳສະຫະລັດເປັນການແລກປ່ຽນຄວາມຄິດເຫັນໃນຫົວຂໍ້ “ຫຼາກຫຼາຍ ແລະ ເລິກເຊິ່ງ” ກ່ຽວກັບການເສີມສ້າງຄວາມສຳພັນໃນລະດັບພາຄີໃນຮູບແບບໃໝ່ ບໍ່ວ່າຈະເປັນກົນໄກການສ້າງສັນຕິພາບທີ່ຖາວອນ ແລະ ໝັ້ນຄົງໃນແຫລມເກົາຫຼີ ການຄຳນຶງເຖິງຂະບວນການປົດອາວຸດນິວເຄຣຍທີ່ແຫຼມເກົາຫຼີ ແລະ ອີກຫຼາກຫຼາຍຫົວຂໍ້ທີ່ທັງສອງຝ່າຍມີຄວາມກັງວົນຮ່ວມກັນ.
https://www.facebook.com/cnn/videos/10158435708006509/