ໃນວັນທີ 7 ກັນຍາ 2014 ຜ່ານມານີ້ ເວັບຂ່າວຂອງຕ່າງປະເທດລາຍງານວ່າ ກຸ່ມກໍ່ການຮ້າຍລັດອິດສະລາມ ຫຼື IS
ໄດ້ເຜີຍແຜ່ຄຣິບວີດີໂອຂ້າຕັດຄໍທະຫານເລບານອນອອກມາ ໂດຍອ້າງວ່າທະຫານຄົນດັ່ງກ່າວ ພະຍາຍາມຈະໜີ
ອອກມາ ຫຼັງຈາກຖືກຈັບກຸມໂຕຕັ້ງແຕ່ເດືອນສິງຫາທີ່ຜ່ານມານີ້.
ໂດຍົຫວໜ້າຂອງກຸ່ມ ໄອເອັສ ຈາກເມືອງ ອັນ ກາລາມູນ ທາງຕອນເໜືອຂອງເລບານອນ ໄດ້ອອກມາຍອມຮັບ
ວ່າ ໄດ້ຂ້າທ້າວ ອັບບາສ ເມດເລດ ທະຫານຊາວເລບານອນແທ້ຈິງ ເນື່ອງຈາກໃນຕອນນັ້ນ ທ້າວ ເມດເລດ ອ້າງ
ວ່າຕ້ອງການໄປຫ້ອງນ້ຳ ແຕ່ເຂົາຊ້ຳພັດຈັບເອົາປືນມາຍິງໃສ່ສະມາຊິກຂອງກຸ່ມ ໄອເອັສ ແທນໂດຍບໍ່ໄດ້ໃຫ້ລາຍ
ລະອຽດວ່າ ທ້າວ ເມດເລດ ຈັບເອົາປືນມາຄອບຄອງໄດ້ດ້ວຍວິທີໃດ.
ທັງນີ້ ການປະທະກັນຮຸນແຮງລະຫວ່າງທະຫານເລບານອນ ກັບກຸ່ມໄອເອັສ ໄດ້ເກີດຂຶ້ນທີ່ເມືອງອາຊັນ ທາງຊາຍ
ແດນເລບານອນທີ່ຕັດກັບຊີເຣຍ ໃນເດືອນສິງຫາ 2014 ທີ່ຜ່ານມາ ໂດຍເຫດການດັ່ງກ່າວນັ້ນ ມີທະຫານເລບາ
ນອນ 17 ຄົນເສຍຊີວິດ ແລະ ມີບາງສ່ວນຖືກຈັບກຸມໂຕໄປ ໂດຍມີທະຫານ 10 ຄົນ ທີ່ຖືກຈັບໂດຍກຸ່ມໄອເອັສ
ແລະ ອີກ 18 ຄົນຖືກຈັບໂດຍກຸ່ມ ອັນ ເນີຊາຣາ ເຊິ່ງເປັນກຸ່ມທີ່ເຄື່ອນໄຫວອິດສະລາມຕໍ່ຕ້ານການປົກຄອງໃນ
ຊີເຣຍ.
ກ່ອນໜ້ານີ້ ໄດ້ມີການເຜີຍແຜ່ຄຣິບວີດີໂອຂອງກຸ່ມໄອເອັສ ທີ່ຂ້າຕັດຄໍນັກຂ່າວຊາວອາເມຣິກັນ ຈົນສ້າງຄວາມ
ສະເທືອນໃຈໃຫ້ແກ່ຜູ້ຄົນໃນທົ່ວໂລກ ໂດຍທີ່ກຸ່ມໄອເອັສ ຕ້ອງການໃຫ້ລັດຖະບານຂອງເລບານອນ ປ່ອຍໂຕສະ
ມາຊິກກຸ່ມກໍ່ການຮ້າຍທີ່ລັດຖະບານເລບານອນຈັບກຸມໄປ.