ກອງປະຊຸມປຶກສາຫາລືກ່ຽວກັບເລື່ອງກ້ອງຈັບຄວາມໄວ ຈັດຂຶ້ນໃນເມື່ອບໍ່ດົນມານີ້ ທີ່ສູນຝຶກອົບຮົມສູນກາງແນວລາວສ້າງຊາດ ນະຄອນຫຼວງວຽງຈັນ ເປັນປະທານຂອງທ່ານ ພັອ ທົງສະຫວັດ ຫຼວງຈັນດາວົງ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ມີທ່ານ ທະນາເດດ ທີຣາວາຣາພັດ ຫົວໜ້າທີ່ປຶກສາບໍລິສັດ WIN WIN NET CORPORATION CO.,LTD ເຈົ້າໜ້າທີ່ ປກສ ເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ພາກສ່ວນກ່ຽວຂ້ອງແມ່ນເຫັນດີເປັນເອກະພາບໃຫ້ມີການຈັດຕັ້ງປະຕິບັດການທົດລອງນຳໃຊ້ກ້ອງຈັບຄວາມໄວຢູ່ຕາມເສັ້ນທາງຫຼັກໃນນະຄອນຫຼວງວຽງຈັນຈຳນວນ 5 ຈຸດເຊັ່ນ:ຖະໜົນທ່າເດື່ອ ຖະໜົນສຸພານຸວົງ ຖະໜົນໄກສອນພົມວິຫານ ຖະໜົນສາມແສນໄທ ແລະ ຖະໜົນເສດ ຖາທິລາດ ເຊິ່ງໄລຍະເວລາການທົດລອງແມ່ນ 3 ເດືອນ ຈາກນັ້ນຈະມີການປະເມີນຜົນທີ່ໄດ້ຮັບຈາກເຈົ້າໜ້າທີ່ຕຳຫຼວດຢູ່ແຕ່ລະເມືອງທີ່ໄດ້ຕິດຕັ້ງກ້ອງທົດລອງດັ່ງກ່າວນັ້ນ ເພື່ອເຮັດບົດສະຫຼຸບ ແລະ ນຳສະເໜີພາກລັດຖະບານເພື່ອພິຈາລະນາອະນຸມັດໃນການຕິດຕັ້ງຂັ້ນຕໍ່ໄປ.
ການຕິດຕັ້ງກ້ອງຈັບຄວາມໄວນີ້ມັນຈະຊ່ວຍຫຼຸດຜ່ອນອຸບັດຕິເຫດຈາກການຂັບຂີ່ດ້ວຍຄວາມໄວສູງທີ່ ກົດໝາຍກຳນົດ ຫຼຸດຜ່ອນການຈອດລົດແບບຊະຊາຍ ສາມາດຕິດຕາມກຸ່ມແກ້ງລັກລົດ ແລະ ອື່ນໆ.
ແຫລ່ງຂ່າວ: muan.la