spot_img
Homeຂ່າວທ້ອງຖິ່ນຊໍາຊຸງ ລາວ ຂໍເຊີນຊວນບັນດາທ່ານຮ່ວມເຮັດກິດຈະກຳດີໆໃນໂຄງການ ' ສາດບຸນ '

ຊໍາຊຸງ ລາວ ຂໍເຊີນຊວນບັນດາທ່ານຮ່ວມເຮັດກິດຈະກຳດີໆໃນໂຄງການ ‘ ສາດບຸນ ‘

Published on

ໂຄງການ “ສາດບຸນ” ນີ້ ເຮັດຂຶ້ນມາເພື່ອເປັນການລົນນະລົງໃຫ້ຄົນຫຼິ້ນນ້ຳຢ່າງມີສະຕິ ແລະ ຊ່ວຍກັນປັນນ້ຳໃຈເພື່ອຮ່ວມສົມທົບທຶນໃຫ້ກັບທີມອາສາກູ້ໄພໃນນະຄອນຫຼວງໂດຍມີບໍລິສັດ Lao Samsung ເປັນຜູ້ໃຫ້ການບໍລິຈາກເບື້ອງຕົ້ນໄປແລ້ວດ້ວຍ ຈຳນວນເງິນ 16,000,000 ກີບ ໃນການຊື້ອຸປະກອນໃຫ້ທີມອາສາກູ້ໄພປະຕິບັດໜ້າທີ່ໃນໄລຍະບຸນປີໃໝ່ລາວທີ່ຍັບໃກ້ເຂົ້າມານີ້, ທັງນີ້ກໍເພື່ອຊ່ວຍຮັກສາຊີວິດ ແລະ ເບີ່ງແຍງພົນລະເຮືອນທຸກຄົນທີ່ໄດ້ຮັບຄວາມເດືອດຮ້ອນໂດຍບໍ່ຫວັງຜົນ.

ທີ່ຜ່ານມາສັງເກດໄດ້ວ່າ ອຸບັດຕິເຫດຕ່າງໆຕາມທ້ອງຖະໜົນນັ້ນເກີດຂຶ້ນຫຼາຍ ຫຼັກໆເລີຍກໍແມ່ນລົດຈັກ ໂດຍສະເພາະຕອນທີ່ຖືກຫົດນ້ຳໃສ່ ເພາະບາງຄົນນັ້ນມັກທີ່ຈະເນັ້ນຫົດນ້ຳໃສ່ໜ້າກັນ. ຫຼາຍຄົນອາດຄິດວ່າມັນມ່ວນ ແຕ່ການຫຼິ້ນນ້ຳແບບນີ້ ອາດເຮັດໃຫ້ຜູ້ຂັບຂີ່ລົດເສຍສົມດຸນຈົນເກີດອຸບັດຕິເຫດໄດ້. ນີ້ກໍເປັນອີກປັດໄຈໜຶ່ງທີ່ເຮັດໃຫ້ຫຼາຍຄົນຕ້ອງບາດເຈັບໃນຊ່ວງງານເທດສະການປີໃໝ່ລາວ.

ໃນກະແສການສາດນ້ຳໃສ່ໜ້າໂຕເອງ ແລະ ມີການທ້າຕໍ່ໆກັນເພື່ອຊ່ວຍກັນລົນນະລົງ ທີ່ຫຼາຍໆທ່ານກຳລັງໃຫ້ຄວາມສົນໃຈນີ້ ແມ່ນເຮັດຂຶ້ນມາເພື່ອໃຫ້ເຫັນເຖິງຄວາມຮູ້ສຶກຂອງໂຕເອງວ່າ ຖ້າຖືກສາດນ້ຳໃສ່ໜ້າແບບນີ້ ຈະເປັນແນວໃດ. ເບິ່ງຈາກພາບການຖືກສາດແບບ Super Slow-mo ທີ່ຖ່າຍທໍາຈາກ Galaxy S9+ ມັນຈະເຮັດໃຫ້ເຫັນໄດ້ເຖິງ ທຸກຄວາມຮູ້ສຶກທີ່ຫຼາຍໆທ່ານບໍ່ເຄີຍເຫັນມາກ່ອນ ເຖິງຄວາມຢ້ານເວລາທີ່ຈະຖືກສາດນໍ້າໃສ່ໜ້າ. ແລ້ວທ່ານເດ? ພ້ອມທີ່ຈະຢຸດ ແລະ ຮ່ວມໃຈຊ່ວຍກັນສົມທົບທຶນເພື່ອທີມອາສາກູ້ໄພຢູ່ໃນນະຄອນຫຼວງຂອງພວກເຮົາແລ້ວບໍ່?

ທ່ານມີເວລາ 48 ຊົ່ວໂມງ ໃນການຮ່ວມຊ່ວຍເຫລືອມວນມະນຸດດ້ວຍກັນໂດຍການສົບທົບທຶນບໍລິຈາກໄດ້ທີ່ ທະນາຄານການຄ້າຕ່າງປະເທດລາວມະຫາຊົນ ເລກບັນຊີ: 010-12-00-01468242-001 ຊື່ບັນຊີ: VIENTIANE RESCUE

ຢ່າລືມຮ່ວມສາດບຸນໄປພ້ອມໆກັນກັບພວກເຮົາເດີ້!

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...