ນິຕະຍາສານຟຣອບ ສຳລວດການຈັດອັນດັບມະຫາເສດຖີໂລກປະຈຳປີ 2018 ໂດຍອ້າງອີງ ແລະ ວັດມຸນຄ່າຊັບສິນຈາກມູນຄ່າຮຸ້ນເມື່ອວັນທີ່ 9 ກຸມພາ ທີ່ຜ່ນມາປະກົດວ່າ ເຈຟ ເບຊອສ, ຜູ້ກໍ່ຕັ້ງເວັບໄຊສ໌ ອາເມຊອນ ແຊງຫນ້າ ບິວ ເກດ ເປັນອັນດັບຫນື່ງໃນຄັ້ງທຳອິດດ້ວຍມຸນຄ່າຊັບສິນ 112.000 ລ້ານໂດລາສະຫະລັດ ຫລື ປະມານ 926.352.000.000.000 ກີບ ພາຍໃນປີດຽວ ເຈຟ ເບຊອສ ສາມາດສ້າງເສດຖະກິດຕົນເອງຂື້ນມາໄດ້ເຖີງ 40.000 ລ້ານ ໂດລາສະຫະລັດ ຫລື ປະມານ 330.840.000.000.000 ກີບ ເປັນຊັບສິນທີ່ເພີ່ມຂື້ນສຸງສຸດໃນປະຫວັດຕິການ, ສົ່ງຜົນໃຫ້ ອະດີດມະຫາເສດຖີຜູ້ກໍ່ຕັ້ງ ບໍລິສັດໄມໂຄຣຊອຟ ທີ່ຄອງຕຳແຫນ່ງມະຫາເສດຖີຂອງໂລກ 18 ປີ ຕົກໄປຢູ່ອັນດັບ 2 ດ້ວຍຊັບສິນ 90.000 ລ້ານໂດລາສະຫະລັດ ຫລື ປະມານ 744.390.000.000.000 ກີບ.
ສ່ວນອັນດັບ 3 ແມ່ນ ວໍເຣນ ບັຟເຟດ ຜູ້ກໍ່ຕັ້ງກຸ່ມທຸລະກິດຫລາຍປະເພດ ດ້ວຍຊັບສິນ 84.000 ລ້ານໂດລາສະຫະລັດ ຫລື ປະມານ 694.764.000.000.000 ກີບ.
ອັນດັບ 4 ແມ່ນ ຄອບຄົວເບີຣນາດ ອຣາໂນ ມະຫາເສດຖີຝຣັ່ງ ເຈົ້າຂອງທຸລະກິດເຄື່ອງຫມາຍການຄ້າ ຫລຸຍ ວິກຕອງ ເປັນຕົວແທນມະຫາເສດຖີຈາກສັນຊາດເອີຣົບພຽງຄົນດຽວທີ່ຕິດອັນດັບ 1 ໃນ 5 ມະຫາເສດຖີໂລກ ດ້ວຍຊັບສິນມຸນຄ່າ 72.000 ລ້ານໂດລາສະຫະລັດ ຫລື ປະມານ 595.512.000.000.000 ກີບ.
ອັນດັບ 5 ແມ່ນ ມາກ ຊັກເກີເບີກ ຜູ້ກໍ່ຕັ້ງເຟດບຸກ ດ້ວຍຊັບສິນມູນຄ່າ 71.000 ລ້ານໂດລາສະຫະລັດ ຫລື ປະມານ 587.241.000.000.000 ກີບ.
ມາທາງດ້ານອາຊີເຮົາກໍແມ່ນ ແຈັກມາ ເຈົ້າຂອງເວັບໄຊສ໌ຂາຍເຄື່ອງອອນລາຍ ອາລີບາບາ ຈັດຢູ່ອັນດັບ 20 ດ້ວຍຊັບສິນ 39.000 ລ້ານໂດລາສະຫະລັດ ຫລື ປະມານ 322.569.000.000.000 ກີບ ແລະ ປະທານປະເທດແຫ່ງສະຫະລັດ ໂດນອລ ທຣໍ້າ ຢູ່ທີ່ອັນດັບ 766 ຈາກແຕ່ກ່ອນແມ່ນຢູ່ທີ່ອັນດັບ 544 ດ້ວຍຊັບສິນມູນຄ່າ 3.100 ລ້ານໂດລາສະຫະລັດ ຫລື ປະມານ 25.640.100.000.000ກີບ.
ແຫລ່ງຂ່າວຕ່າງປະເທດ TNA