spot_img
Homeອຸບັດເຫດແລະປາກົດການຫຍໍ້ທໍ້ຕັດສິນປະຫານຊີວິດ 2 ຄະດີຄ້າຂາຍຢາເສບຕິດ

ຕັດສິນປະຫານຊີວິດ 2 ຄະດີຄ້າຂາຍຢາເສບຕິດ

Published on

ຄະນະສານອາຍາ ສານປະຊາຊົນຂັ້ນຕົ້ນ ແຂວງຫຼວງນໍ້າທາ ໄດ້ພິຈາລະນາຕັດສິນປະຫານຊີວິດ ຜູ້ຖືກຫາຄະດີຄ້າຂາຍຢາເສບຕິດ ຈຳນວນ 2 ເລື່ອງ ໂດຍມີຈໍາເລີຍ 2 ຄົນ ໃນວັນທີ 15 ກຸມພາ 2018; ເຊິ່ງທັງສອງຄະດີຖືກທີ່ເຈົ້າໜ້າທີ່ມ້າງໄດ້ໃນປີ 2017.

ຄະດີທີ 1 ໃນສໍານວນຄະດີ ເລກທີ 013/ຂຕອ, ຈຳເລີຍຊື່ ທ້າວ ຈຳໂບ ອາຍຸ 22 ປີ ສັນຊາດລາວ ອາຊີບເຮັດໄຮ່ ຢູ່ບ້ານຈ່າຍີ ເມືອງລອງ ແຂວງຫຼວງນໍ້າທາ ມີຄວາມຜິດໃນສະຖານຄ້າຢາເສບຕິດປະເພດຢາບ້າ ທີ່ເຈົ້າໜ້າທີ່ຕໍາຫຼວດສະກັດຈັບໄດ້ໃນກາງປີ 2017 ພ້ອມຢາບ້າ ຈຳນວນ 9,4 ກິໂລກຼາມ. ດັ່ງນັ້ນ, ສານ ປະຊາຊົນແຂວງຫຼວງນໍ້າທາ ຈຶ່ງໄດ້ຕັດສິນລົງໂທດປະຫານຊີວິດ ແລະ ຮິບຢາບ້າຈໍານວນດັ່ງກ່າວ ໄປທຳລາຍຖິ້ມ, ຮິບເງິນຈຳນວນ 2.000 ຢວນ, ໂທລະສັບມືຖື 1 ໜ່ວຍ.

ສ່ວນຄະດີທີ 2, ແມ່ນຄະດີ ເລກທີ 014/ຂຕອ, ຈຳເລີຍຊື່ ທ້າວ ໄໝ່ບຸນນ້ອຍ ອາຍຸ 58 ປີ ສັນຊາດລາວ ອາຊີບເຮັດນາ ຢູ່ບ້ານນາໃໝ່ ເມືອງສິງ ແຂວງຫຼວງນໍ້າທາ ຖືກຂໍ້ຫາຄ້າຂາຍຢາເສບຕິດ ປະເພດເຮໂຣອິນ; ຖືກຈັບຕົວໄດ້ໃນວັນທີ 7 ມິຖຸນາ 2017 ພ້ອມເຮໂຣອິນຈຳນວນ 12 ແທ່ງ, ລວມນໍ້າໜັກ 4,5 ກິ ໂລກຼາມ. ສະນັ້ນ, ຄະນະສານອາຍາ ໄດ້ພິຈາລະນາຕາມສໍານວນຄະດີ ແລະ ຄໍາສາລະພາບຂອງຈໍາເລີຍແລ້ວ ເຫັນຄວນຕັດສິນປະຫານຊີວິດຈໍາເລີຍ ພ້ອມທັງຮິບເຮໂຣອິນຈຳນວນ 4,5 ກິໂລກຼາມ ໄປທຳລາຍຖິ້ມ, ຮິບລົດຕູ້ສະຕາແລັກ ໝາຍເລກທະບຽນ ກກ 1916 ຫຼວງພະບາງ ຈຳນວນ 1 ຄັນ ແລະ ໂທລະສັບ 1 ໜ່ວຍ.

 

ແຫລ່ງຂ່າວ: ໜັງສືພິມ ປກສ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...